ന്യൂഡല്‍ഹിയില്‍ വച്ച് തന്റെ പിതാവ് കവര്‍ച്ചക്ക് ഇരയായതായി പ്രിയങ്ക ചോപ്രയുടെ കസിനും നടിയും മോഡലുമായ മീര ചോപ്ര. പൊലീസ് കൊളനിയില്‍ വൈകിട്ട് നടക്കാനിറങ്ങിയപ്പോള്‍ സ്‌കൂട്ടറിലെത്തിയ രണ്ടു യുവാക്കള്‍ കത്തി കാട്ടി ഭീഷണിപ്പെടുത്തി ഫോണ്‍ പിടിച്ചു വാങ്ങിയതായി മീര ട്വീറ്റ് ചെയ്തു.
മുഖ്യമന്ത്രി അരവിന്ദ് കെജ് രിവാളിനെയും ഡല്‍ഹി പൊലീസിനെയും ടാഗ് ചെയ്ത് ഇതാണോ ഡല്‍ഹി സുരക്ഷിതമാണെന്ന് താങ്കള്‍ പറയുന്നത് എന്നും മീര ട്വീറ്റില്‍ കുറിച്ചു. പിന്നാലെ കൂടുതല്‍ വിവരങ്ങളും ബന്ധപ്പെടാനുള്ള നമ്പറും ആവശ്യപ്പെട്ട് നോര്‍ത്ത് ഡല്‍ഹി ഡിസിപിയും രംഗത്തെത്തി.
പെട്ടെന്ന് തന്നെ ആക്ഷന്‍ എടുത്തതില്‍ നന്ദി അറിയിച്ചും മീര ട്വീറ്റ് ചെയ്തു. പൊലീസിന്റെ സുരക്ഷിതത്തിലാണ് ഞങ്ങള്‍ എന്ന് മനസ്സിലായതില്‍ അഭിമാനമുണ്ടെന്നും മീര കുറിച്ചിട്ടുണ്ട്.