ബോളിവുഡ് താരം രാഖി സാവന്തിന്റെ മുന്‍ഭര്‍ത്താവ് ആദില്‍ ഖാന്‍ വീണ്ടും വിവാഹിതനായി. ബിഗ് ബോസ് താരവും നടിയും മോഡലുമായ സോമി ഖാന്‍ ആണ് വധു. കുറച്ചു നാളുകളായി പ്രണയത്തിലായിരുന്ന ആദിലും സോമിയും മാര്‍ച്ച് 3ന് ആണ് വിവാഹിതരായത്. വിവാഹ രജിസ്റ്ററേഷന്‍ സര്‍ട്ടിഫിക്കറ്റ് ഇരുവരും പിടിച്ചു നില്‍ക്കുന്ന ചിത്രങ്ങളും പങ്കുവച്ചിട്ടുണ്ട്.
തങ്ങളുടെ കുടുംബാംഗങ്ങളും സുഹൃത്തുക്കളും നല്‍കിയ പിന്തുണയ്ക്കും സ്നേഹത്തിനും നന്ദിയുണ്ടെന്ന് ആദില്‍ ഖാന്‍ കുറിച്ചു. അതേസമയം, അടുത്തിടെ വന്‍ വിവാദം സൃഷ്ടിച്ച വാര്‍ത്തയായിരുന്നു ആദില്‍ ഖാന്റെയും രാഖി സാവന്തിന്റെയും വിവാഹം.
വേര്‍പിരിഞ്ഞതിന് പിന്നാലെ ആദിലിനെതിരെ ഗാര്‍ഹിക പീഡനം, പരസ്ത്രീ ബന്ധം, പ്രകൃതി വിരുദ്ധ ലൈംഗിക പീഡനം തുടങ്ങിയവ ആരോപിച്ച് പൊലീസില്‍ രാഖി പരാതി നല്‍കിയിരുന്നു. ഈ സമയത്ത് ആദിലിനെതിരേ ഓരു ഇറാനിയന്‍ യുവതി ലൈംഗിക പീഡനം ആരോപിച്ച് രംഗത്തെത്തി.
മൈസൂരില്‍ ഒരുമിച്ച് താസമിക്കുമ്പോള്‍ വിവാഹ വാഗ്ദാനം നല്‍കി പീഡിപ്പിച്ചുവെന്നായിരുന്നു പരാതി. ഇതോടെ മൈസൂര്‍ പൊലീസും ആദിലിനെതിരെ കേസ് എടുത്തിരുന്നു. എന്നാല്‍ വിവാദങ്ങള്‍ അവസാനിച്ച് മാസങ്ങള്‍ പിന്നിടുമ്പോഴാണ് ആദില്‍ ഖാന്‍ രണ്ടാമതും വിവാഹിതനായിരിക്കുന്നത്.
