ദീര്‍ഘകാലത്തെ പ്രണയത്തിന് ഒടുവിലായിരുന്നു 2012ല്‍ സെയ്ഫ് അലിഖാനും കരീന കപൂറും വിവാഹിതരായത്. അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹചടങ്ങില്‍ പങ്കെടുത്തിരുന്നത്. വിവാഹത്തിന്റെ സമയത്ത് കരീനയ്‌ക്കെതിരെ വധഭീഷണി ഉണ്ടായിരുന്നുവെന്ന് വെളിപ്പെടുത്തിയിരിക്കുകയാണ് സെയ്ഫ് അലിഖാന്‍.
എന്റെയും കരീനയുടെയും വിവാഹത്തില്‍ ചിലര്‍ അസ്വസ്ഥരായിരുന്നു. കരീനയുടെ പിതാവിന് രണ്‍ധീര്‍ കപൂറിന് ഭീഷണി സന്ദേശങ്ങള്‍ ലഭിച്ചിരുന്നു. അവര്‍ കുടുംബത്തെ നശിപ്പിക്കുമെന്ന് പറഞ്ഞു. ബോംബ് ഭീഷണിയും മുഴക്കിയിരുന്നു എന്നാണ് സെയ്ഫ് ഒരു അഭിമുഖത്തില്‍ പറഞ്ഞിരിക്കുന്നത്.
തന്റെ മാതാപിതാക്കളുടെ വിവാഹ സമയത്തും സമാനമായ സംഭവം ഉണ്ടായെന്നും സെയ്ഫ് പറയുന്നുണ്ട്. എന്റെ മാതാപിതാക്കളായ മന്‍സൂര്‍ അലി ഖാന്‍ പട്ടൗഡിയും ഷര്‍മിള ടാഗോറും വിവാഹിതരായപ്പോള്‍ കുടുംബത്തിന് സമാനമായ ഭീഷണിയുണ്ടായിരുന്നു.
എന്നാല്‍ ഈ കാര്യങ്ങളൊന്നും അന്ന് തന്നെ അലട്ടിയില്ല, കാരണം ഈ ആളുകള്‍ എന്താണ് ചിന്തിക്കുന്നതെന്ന് ആരാണ് ശ്രദ്ധിക്കുന്നത്. ഭീഷണിപ്പെടുത്തുന്നതും നടപ്പാക്കുന്നതും രണ്ടും വ്യത്യസ്തമായ കാര്യങ്ങളാണ് എന്നാണ് സെയ്ഫ് അലിഖാന്‍ പറയുന്നത്.