‘ഭ്രമയുഗ’ത്തിന്റെ ട്രെന്‍ഡ് പിന്തുടര്‍ന്ന് ബോളിവുഡും. ബോളിവുഡില്‍ നിന്നുള്ള ഒരു ഹൊറര്‍ ചിത്രത്തിന്റെ പോസ്റ്റര്‍ ആണിപ്പോള്‍ പുറത്തുവന്നിരിക്കുന്നത്. അജയ് ദേവ്ഗണ്‍, ജ്യോതിക, മാധവന്‍ എന്നിവര്‍ കേന്ദ്ര കഥാപാത്രങ്ങളാകുന്ന ‘ശെയ്ത്താന്‍’ എന്ന ചിത്രത്തിന്റെ പോസ്റ്റര്‍ ആണിപ്പോള്‍ പുറത്തുവന്നിരിക്കുന്നത്.
ചിത്രത്തിലെ വില്ലനായ മാധവന്റെ ലുക്ക് ആണ് എത്തിയിരിക്കുന്നത്. നീല കണ്ണുകളുള്ള മാധവന്റെ രൗദ്ര ഭാവമാണ് ചിത്രത്തിലുള്ളത്. ‘ഈ ശെയ്താന്റെ കണ്ണില്‍ നിന്ന് അകുന്ന് നില്‍ക്കൂ’ എന്നാണ് പോസ്റ്റര്‍ പങ്കുവെച്ചുകൊണ്ട് അജയ് ദേവ്ഗണ്‍ കുറിച്ചത്. മാര്‍ച്ച് 8ന് ആണ് ശെയ്താന്‍ റിലീസ് ചെയ്യുക.
സൈക്കോളജിക്കല്‍ ത്രില്ലര്‍ വിഭാഗത്തിലുള്ള ചിത്രമാണ് ശെയ്താന്‍. ദേവ്ഗണ്‍ ഫിലിംസിന്റെ ബാനറില്‍ അജയ് ദേവ്ഗണ്‍ നിര്‍മ്മിക്കുന്ന ചിത്രത്തിന്റെ സംവിധാനം നിര്‍വഹിക്കുന്നത് വികാസ് ബഹ്‌ലാണ്. സുധാകര്‍ റെഡ്ഡി യക്കാന്തിയാണ് ചിത്രത്തിന്റെ ഛായാഗ്രാഹണം. സംഗീത സംവിധാനം അമിത് ത്രിവേദി.
അതേസമയം, ‘കാതല്‍’ എന്ന ചിത്രത്തിന് ശേഷം ജ്യോതികയുടെതായി റിലീസിന് ഒരുങ്ങുന്ന ചിത്രമാണ് ശെയ്താന്‍. ഹൊറര്‍ എലമെന്റ്‌സോടെ എത്തിയ ചിത്രത്തിന്റെ ടീസര്‍ ശ്രദ്ധ നേടിയിരുന്നു. ‘ഭോല’ ആയിരുന്നു അജയ് ദേവ്ഗണിന്റെതായി ഒടുവില്‍ പുറത്തിറങ്ങിയ ചിത്രം.