ബോളിവുഡ് താരം നസീറുദ്ദീന്‍ ഷാ ഗുരുതരാവസ്ഥയില്‍ ആശുപത്രിയിലാണെന്ന വാര്‍ത്തകള്‍ തള്ളി മകനും നടനുമായ വിവാന്‍ ഷാ. ഇര്‍ഫാന്‍ ഖാന്റെയും ഋഷി കപൂറിന്റെയും മരണത്തിന് പിന്നാലെയാണ് നസീറുദ്ദീന്‍ ഷായെ കുറിച്ചുള്ള വാര്‍ത്തകള്‍ പ്രചരിച്ചത്.
“”ബാബക്ക് സുഖമാണ്. അദ്ദേഹത്തിന്റെ ആരോഗ്യത്തെ കുറിച്ചുള്ള അഭ്യൂഹങ്ങളെല്ലാം വ്യാജമാണ്. അദ്ദേഹം ആരോഗ്യത്തോടെയിരിക്കുകയാണ്. ഇര്‍ഫാന്‍ ഭായ്, ചിന്റു ജി എന്നിവര്‍ക്കായി പ്രാര്‍ത്ഥിക്കുന്നു…അവരുടെ കുടുംബത്തിന് അനുശോചനം അറിയിക്കുന്നു…ഇത് നമുക്കെല്ലാവര്‍ക്കും കനത്ത നഷ്ടമാണ്”” എന്നാണ് വിവാന്റെ ട്വീറ്റ്.
“”അദ്ദേഹം രാജ്യത്തിന്റെ നിധിയാണ്. അദ്ദേഹത്തെ ശ്രദ്ധിക്കണം. സുരക്ഷിതരായിരിക്കൂ”” എന്നാണ് ഒരു ആരാധകന്റെ കമന്റ്. ബുധനാഴ്ചയാണ് ഇര്‍ഫാന്‍ ഖാന്‍ വന്‍കുടലിലെ അണുബാധയെ തുടര്‍ന്ന് അന്തരിച്ചത്. വ്യാഴാഴ്ചയാണ് അര്‍ബുദത്തെ തുടര്‍ന്ന് ഋഷി കപൂര്‍ വിട പറഞ്ഞത്.