സണ്ണി ലിയോണി സോഷ്യല്‍ മീഡിയയില്‍ പങ്കുവച്ച വീഡിയോ ചര്‍ച്ചയാകുന്നു. ഡ്രസ് ധരിച്ച് ഒരുങ്ങി നില്‍ക്കുന്ന താരം ഇസ്തിരിപ്പെട്ടി ഉപയോഗിച്ച് പുറകില്‍ തേക്കുന്നതായാണ് വീഡിയോ. ‘എന്റെ വാല് ഇസ്തിരിയിടാന്‍ ശ്രമിക്കുന്നു,’ എന്ന ക്യാപ്ഷനോടെയാണ് വീഡിയോ പങ്കുവച്ചിരിക്കുന്നത്.
ഡ്രസ് ഇട്ടതിന് ശേഷം ഇസ്തിരിയിടുന്നോ എന്നാണ് ആരാധകര്‍ അമ്പരപ്പോടെ തിരക്കുന്നത്. ബാക്ക് കരിഞ്ഞു പോകും എന്ന കമന്റുകളും എത്തുന്നുണ്ട്. വാല് എവിടെയാണ് എന്ന് ചോദിച്ചു കൊണ്ടുള്ള കമന്റുകളും എത്തുന്നുണ്ട്. എന്നാല്‍ എന്താണ് ഇങ്ങനൊരു വീഡിയോ പങ്കുവച്ചതെന്ന് സണ്ണി ലിയോണ്‍ വ്യക്തമാക്കിയിട്ടില്ല.
View this post on Instagram
അതേസമയം, നിരവധി ചിത്രങ്ങളാണ് നടിയുടെതായി അണിയറയില്‍ ഒരുങ്ങുന്നത്. മലയാളത്തില്‍ രംഗീല, ഷീറോ എന്നീ സിനിമകള്‍ പ്രഖ്യാപിച്ചിട്ട് വര്‍ഷങ്ങള്‍ ആയെങ്കിലും ഇതുവരെ റിലീസ് ചെയ്തിട്ടില്ല. കൊട്ട്വേഷന്‍ ഗ്യാംഗ്, കൊക കൊല, ഹെലന്‍, ദ ബാറ്റില്‍ ഒആഫ് ഭിമ കൊറേഗാന്‍, യുഐ എന്നീ ചിത്രങ്ങളാണ് സണ്ണിയുടെതായി ഒരുങ്ങി കൊണ്ടിരിക്കുന്നത്.
ഡാനിയല്‍ വെബ്ബറാണ് സണ്ണിയുടെ ഭര്‍ത്താവ്. 2011ല്‍ ആണ് മ്യൂസിഷനായ ഡാനിയല്‍ വെബ്ബറിനെ സണ്ണി വിവാഹം ചെയ്യുന്നത്. 2017ല്‍ ഇവര്‍ ഒന്നര വയസ് പ്രായമുള്ള നിഷയെ ദത്തെടുത്തു. നിഷയെ കൂടാതെ വാടക ഗര്‍ഭപാത്രത്തിലൂടെ സ്വന്തമാക്കിയ രണ്ടു ആണ്‍കുട്ടികളും ഇവര്‍ക്കുണ്ട്, അഷര്‍ സിങ് വെബ്ബറും നോഹ സിങ് വെബ്ബറും.