എംഎസ് ധോണി എന്ന ചിത്രത്തിലൂടെ ശ്രദ്ധേയനായ സുഷാന്ത് സിങ് രാജ്പുത് വിവാഹത്തിനൊരുങ്ങുന്നു. നടി റിയ ചക്രബര്‍ത്തിയും താരവും പ്രണയത്തിലാണെന്ന വാര്‍ത്തകള്‍ പ്രചരിച്ചിരുന്നു. ഇതോടെയാണ് “പ്ലേ ബോയ്” എന്ന പേരിന് അറുതി വരുത്തി റിയയെ വിവാഹം ചെയ്യാനായി ഒരുങ്ങുകയാണ് സുഷാന്ത്.
സിനിമാ-സീരിയല്‍ താരം അങ്കിത ലോക്കെണ്ഡെയുമായി പിരിഞ്ഞതിന് ശേഷം നടി കൃതി സനോനുമായും താരം പ്രണയത്തിലായിരുന്നു. പിന്നീട് റിയയുമായി ഒന്നിക്കുകയായിരുന്നു. നടിയോടൊപ്പം ലഡാക്ക് സന്ദര്‍ശിച്ച ചിത്രങ്ങളൊക്കെ വൈറലായിരുന്നു. ഇരുവരും ഒന്നിച്ച് പിറന്നാള്‍ ആഘോഷിച്ചതും വാര്‍ത്തയായിരുന്നു.
ഏറ്റവും നല്ല പിറന്നാളാണെന്നാണ് താരം ഇന്‍സ്റ്റഗ്രാമില്‍ കുറിച്ചത്. സുഷാന്ത് റിയക്ക് പ്ലാറ്റിനം ലോക്കറ്റ് സമ്മാനിച്ചതും സോഷ്യല്‍ മീഡിയ ഏറ്റെടുത്തിരുന്നു. “ചിച്ചോരെ”, “ദില്‍ ബേച്ചാര”, “ഡ്രൈവ്” എന്നിങ്ങനെ പുതിയ ചിത്രങ്ങളുമായി തിരക്കിലാണ് സുഷാന്ത്.
