വിചിത്രമായ വസ്ത്രധാരണത്തിന്റെ പേരില്‍ വധഭീഷണി വരെ നേരിട്ട നടിയാണ് ഉര്‍ഫി ജാവേദ്. ഭക്ഷണ സാധനങ്ങള്‍ മുതല്‍ അനാവശ്യ, ആവശ്യ വസ്തുക്കള്‍ വരെ ഉര്‍ഫി തന്റെ വസ്ത്രങ്ങളാക്കി പരീക്ഷണം നടത്താറുണ്ട്. ഒരു പരസ്യ കമ്പനിയില്‍ നിന്നും നേരിട്ട മോശം അനുഭവത്തെ കുറിച്ച് വെളിപ്പെടുത്തി രംഗത്തെത്തിയിരിക്കുകയാണ് ഉര്‍ഫി ഇപ്പോള്‍.
പരസ്യ ചിത്രത്തില്‍ അഭിനയിക്കാന്‍ തുണി അഴിക്കാമോ എന്ന് ചോദിച്ച് ഒരു പരസ്യകമ്പനി തന്റെ ടീമിനെ സമീപിച്ചതായി ഉര്‍ഫി പറഞ്ഞു. ഇതിനെതിരെ ശക്തമായ നടപടി സ്വീകരിക്കുമെന്നും ഉര്‍ഫി വ്യക്തമാക്കി. ഒരു ഓറല്‍ ഹൈജിന്‍ ബ്രാന്‍ഡാണ് തന്റെ ടീമിനോട് ഇങ്ങനെ ചോദിച്ചതെന്നും ഉര്‍ഫി വ്യക്തമാക്കി.
”ഉര്‍ഫിക്ക് വേണ്ടി ഞങ്ങളുടെ കൈവശം ഒരു സ്‌ക്രിപ്റ്റ് ഉണ്ട്. അവള്‍ വസ്ത്രം അഴിക്കാന്‍ തയാറാകുമോ?” എന്നാണ് പരസ്യ കമ്പനി അധികൃതര്‍ വാട്സ്ആപ്പില്‍ ചോദിക്കുന്നത്. എന്താണ് നിങ്ങള്‍ ഉദ്ദേശിച്ചതെന്ന മറുചോദ്യത്തിന് ആദ്യം പറഞ്ഞ കാര്യം തന്നെ പരസ്യ കമ്പനിക്കാര്‍ ആവര്‍ത്തിക്കുന്നു. ഇത്തരം ഒരു സമീപനത്തിന് ഗുരുതരമായ പ്രത്യാഘാതങ്ങള്‍ നേരിടേണ്ടി വരുമെന്നും ഉര്‍ഫി വ്യക്തമാക്കി.
അതേസമയം, സോഷ്യല്‍ മീഡിയയില്‍ ഒരുപാട് ഫോളോവേഴ്‌സ് ഉള്ള താരമാണ് ഉര്‍ഫി ജാവേദ്. ‘യേ റിശ്താ ക്യാ കഹ്ലാതാ ഹേ’, ‘കസോട്ടി സിന്ദഗി കേ’ എന്നീ സീരിയലുകളിലൂടെയാണ് ഉര്‍ഫി കരിയര്‍ ആരംഭിച്ചത്. എന്നാല്‍ ബിഗ് ബോസ് ഒ.ടി.ടിയിലൂടെയാണ് ഉര്‍ഫി ശ്രദ്ധ നേടുന്നത്. സ്പ്ലിറ്റ്‌സ്‌വില്ല എന്ന റിയാലിറ്റി ഷോയിലും ഉര്‍ഫി എത്തിയിരുന്നു.