നടി വിദ്യാ ബാലന് കരിയര്‍ ബ്രേക്ക് നല്‍കിയ സിനിമയാണ് ‘ദ ഡേര്‍ട്ടി പിക്ചര്‍’. അന്തരിച്ച നടി സില്‍ക് സ്മിതയ ജീവിതത്തെ ആസ്പദമാക്കിയെടുത്ത സിനിമയില്‍ അതീവ ഗ്ലാമറസ് ആയാണ് വിദ്യയെ പ്രേക്ഷകര്‍ കണ്ടത്. ഈ സിനിമയില്‍ അഭിനയിച്ചതിന് ശേഷം തനിക്ക് സ്വന്തം ശരീരവുമായി കൂടുതല്‍ മാനസിക ബന്ധമുണ്ടാക്കാന്‍ സാധിച്ചുവെന്ന് പറഞ്ഞിരിക്കുകയാണ് വിദ്യാ ബാലന് ഇപ്പോള്‍.
മുമ്പൊരിക്കല്‍ തനിക്ക് സ്വന്തം ശരീരത്തോട് വെറുപ്പായിരുന്നുവെന്ന് വിദ്യ തുറന്നു പറഞ്ഞിരുന്നു. താന്‍ ആഗ്രഹിച്ചത് പോലെ ആയിരുന്നില്ല തന്റെ ശരീരം, അതുകൊണ്ട് വെറുപ്പായിരുന്നു, പലപ്പോഴും താന്‍ രോഗബാധിതയായിരുന്നു എന്നാണ് വിദ്യ പറഞ്ഞിരുന്നത്.
എന്നാല്‍ ഡേര്‍ട്ടി പിക്ചറില്‍ അഭിനയിച്ചതിന് ശേഷം പലരും പ്രശംസിച്ചതോടെ ശരീരത്തിന്റെ വലിപ്പത്തില്‍ കാര്യമില്ലെന്ന് മനസിലായി എന്നാണ് നടി പറയുന്നത്. ”ആ സിനിമയ്ക്ക് ശേഷം എന്നെ എല്ലാവരും സെക്‌സി എന്ന് വിളിച്ചു. എനിക്ക് അത് നല്ലതായി തോന്നി.”
”ആളുകള്‍ സെക്‌സി എന്ന് വിളിക്കുന്നതിനാല്‍ എനിക്കും സെക്‌സിയായി തോന്നി, അതില്‍ നമ്മുടെ വണ്ണവുമായി യാതൊരു ബന്ധവുമില്ല. അത് എന്നെ ശരിക്കും ഫ്രീ ആക്കി. തീര്‍ച്ചയായും അതൊരു പ്രോസസ് ആണ്” എന്നാണ് വിദ്യ പറയുന്നത്.
ഈ സിനിമയ്ക്ക് ശേഷം സെക്‌സ് റിലേഷന്‍ഷിപ്പില്‍ മാറ്റങ്ങള്‍ സംഭവിച്ചോ എന്ന ചോദ്യത്തിനോടും വിദ്യ പ്രതികരിച്ചു. ”ഞാന്‍ എപ്പോഴും സെക്‌സ് ആസ്വദിച്ചിട്ടുണ്ട്. അത് മെച്ചപ്പോട്ടോ എന്ന് ചോദിച്ചാല്‍ തീര്‍ച്ചയായും” എന്നാണ് വിദ്യ പറയുന്നത്. അതേസമയം, ദോ ഓര്‍ ദോ പ്യാര്‍ ആണ് വിദ്യ ബാലന്റെ പുതിയ സിനിമ.