ആമിര്‍ ഖാന്‍ ചിത്രം ‘ലാല്‍ സിംഗ് ഛദ്ദ’ വളരെ പ്രതീക്ഷകളോടെയാണ് തീയേറ്ററുകളിലെത്തിയ സിനിമയാണ് ലാല്‍ സിംഗ് ഛദ്ദ. 2022 ഓഗസ്റ്റ് 11 ന് തിയേറ്റുകളില്‍ എത്തിയ ഈ ചിത്രത്തിന് പക്ഷേ പ്രതീക്ഷിച്ചത് പോലെ തിയേറ്ററുകളില്‍ മുന്നേറാനായില്ല. അത് മാത്രമല്ല സിനിമ ഇറങ്ങിയതിന് പിന്നാലെ ആമിര്‍ ഖാനെതിരെ രൂക്ഷ വിമര്‍ശനവും ഉയര്‍ന്നുവന്നു.
ഇപ്പോഴിതാ ‘ലാല്‍ സിംഗ് ഛദ്ദ’ ഒരു മികച്ച സിനിമയാിരുന്നില്ലെന്ന് തുറന്നുപറഞ്ഞിരിക്കുകയാണ് നടന്‍ അനുപം ഖേര്‍. എ.എന്‍.ഐക്ക് നല്‍കിയ അഭിമുഖത്തില്‍ ബോളിവുഡിലെ ബോയ്‌കോട്ട് ട്രെന്‍ഡിനെ കുറിച്ച് സംസാരിക്കവെയാണ് ഇക്കാര്യം വ്യക്തമാക്കിയത്.
‘ലാല്‍ സിംഗ് ഛദ്ദ’ നല്ല ചിത്രമായിരുന്നെങ്കില്‍ അതിനെ ബോധപൂര്‍വം ആര്‍ക്കും തകര്‍ക്കാന്‍ കഴിയുമായിരുന്നില്ലെന്നും നടന്‍ അഭിമുഖത്തില്‍ പറഞ്ഞു. ആമിര്‍ ഖാന്റെ ലാല്‍ സിംഗ് ഛദ്ദ മികച്ച ചിത്രമായിരുന്നില്ല. അങ്ങനെ ആയിരുന്നെങ്കില്‍ ബോധപൂര്‍വം ആര്‍ക്കും ആ ചിത്രത്തെ തകര്‍ക്കാന്‍ കഴിയില്ലായിരുന്നു. ആമിറിന്റെ പി.കെ വളരെ നല്ല ചിത്രമാണ്. ഞാനിത്രമാത്രമാണ് പറയുന്നത് സത്യത്തെ അംഗീകരിക്കണം അത്ര മാത്രം. അനുപം ഖേര്‍ പറഞ്ഞു.
നല്ല സിനിമകള്‍ തീര്‍ച്ചയായും ജനങ്ങള്‍ കാണുകയും അംഗീകരിക്കുകയും ചെയ്യും.ബോയ്‌കോട്ട് പ്രവണത ഇല്ലാതാക്കാനുള്ള ഒരേയൊരു മാര്‍ഗം മികച്ച രീതിയില്‍ ജോലി ചെയ്യുക നല്ല ചിത്രങ്ങള്‍ നല്‍കുക എന്നതാണെന്നും താരം കൂട്ടിച്ചേര്‍ത്തു.