തന്റെ സോഷ്യല്‍ മീഡിയ പേജില്‍ ഗോപി സുന്ദറെ കുറിച്ച വരുന്ന കമന്റുകള്‍ക്ക് വായടപ്പിക്കുന്ന മറുപടി നല്‍കി അഭയ ഹിരണ്‍മയി. തന്റെ സുഹൃത്തിനൊപ്പം പങ്കുവെച്ച ചിത്രത്തിന് വന്ന കമന്റിനായിരുന്നു അഭയയുടെ മറുപടി്.
‘ഈ കുട്ടി ഗോപിയുടെ അടുത്ത് പാടാന്‍ പോയപ്പോള്‍ കൂടെ പോയി വെറുതെ 12 വര്‍ഷം കളഞ്ഞില്ലേ. ലൈഫ് മുഴുവന്‍ കൂടെ കാണും എന്ന് കരുതും. ഒക്കെ വെറുതെ. ആര്‍ക്കും ആരോടും ആത്മാര്‍ത്ഥത ഒന്നും ഇല്ലാ’ എന്നായിരുന്നു കമന്റ്. ‘അങ്ങനെയാണോ? ഞാന്‍ എന്റെ ജീവിതത്തെക്കുറിച്ച് വിശദീകരിക്കണോ’? എന്നായിരുന്നു അഭയ നല്‍കിയ മറുപടി.
ഏതായാലും അഭയയുടെ പോസ്റ്റും മറുപടിയുമെല്ലാം തന്നെ സോഷ്യല്‍ മീഡിയയില്‍ വൈറലായി മാറിയിരിക്കുകയാണ്. ഒരുമിച്ച് ജീവിച്ച് തുടങ്ങിയതോടെ സംഗീത ലോകത്ത് സജീവമാവാനാണ് ഗോപി സുന്ദറിന്റെയും അമൃതയുടെയും തീരുമാനം.
തിരുവനന്തപുരത്ത് വച്ച് അമൃതയും ഗോപിയും ഒരുമിച്ച് നടത്തിയ സ്റ്റേജ് ഷോ പോലെ വീണ്ടും കൂടുതല്‍ പരിപാടികള്‍ അവതരിപ്പിക്കാനാണ് രണ്ടാളും തീരുമാനിച്ചിരിക്കുന്നത്. അമൃത ഗായികയായി വളര്‍ന്ന് വരുന്നത് കാണാനാണ് താന്‍ കാത്തിരിക്കുന്നതെന്നും അതിന് വേണ്ടി സഹായിക്കുമെന്നുമൊക്കെ ഗോപി അഭിമുഖത്തിനിടെ കൂട്ടിച്ചേര്‍ത്തു.
