ബിഗ് ബോസ് റിയാലിറ്റി ഷോയ്ക്ക് ശേഷം വീണ്ടും സിനിമകളില്‍ സജീവമാകാന്‍ ഒരുങ്ങുകയാണ് നടന്‍ മണിക്കുട്ടന്‍. മരക്കാര്‍ അറബിക്കടലിന്റെ സംിഹത്തില്‍ അഭിനയിച്ച വിശേഷങ്ങളാണ് താരം പങ്കുവച്ചിരിക്കുന്നത്. മായിന്‍കുട്ടി എന്ന കഥാപാത്രമായാണ് ചിത്രത്തില്‍ മണിക്കുട്ടന്‍ വേഷമിട്ടത്.
മരക്കാറില്‍ ലാല്‍ സാറിനും മഞ്ജു ചേച്ചിയോടുമൊപ്പമാണ് മായിന്‍കുട്ടി എന്ന കഥാപാത്രമായി അഭിനയിച്ചത്. മലയാളത്തിലെ ആദ്യത്തെ നൂറുകോടി സിനിമയില്‍ അഭിനയിക്കുക എന്നത് മറ്റൊരു വലിയ ഭാഗ്യമാണ്. വമ്പന്‍ പടമായ ബാഹുബലിയുടെ സെറ്റ് കണ്ടു അന്തംവിട്ടവര്‍, അതിലും വലിയ സെറ്റ് കണ്ടു മൂക്കത്ത് വിരല്‍ വച്ച കാഴ്ചയാണ് മരക്കാരിന്റെ സെറ്റില്‍ കണ്ടത്.
കോവിഡ് കാരണം റിലീസ് നീണ്ടു പോകുന്നതില്‍ വിഷമമുണ്ട് എന്നാണ് മണിക്കുട്ടന്‍ മനോരമ ഓണ്‍ലൈന് നല്‍കിയ അഭിമുഖത്തില്‍ പറയുന്നത്. നവരസ ആന്തോളജി ചിത്രമാണ് മണിക്കുട്ടന്റെതായി റിലീസിന് ഒരുങ്ങുന്നത്. ചിത്രത്തില്‍ മണി എന്നാണ് താരത്തിന്റെ കഥാപാത്രത്തിന്റെ പേരും.
അതേസമയം, ബിഗ് ബോസ് ഷോയില്‍ വിന്നര്‍ ആയിരിക്കുകയാണ് മണിക്കുട്ടന്‍. കോവിഡിനെ തുടര്‍ന്ന് നീണ്ട ഒരു മാസത്തെ കാത്തിരിപ്പിന് ശേഷമാണ് ബിഗ് ബോസ് സീസണ്‍ 3യുടെ വിന്നറെ മോഹന്‍ലാല്‍ പ്രഖ്യാപിച്ചത്. ചെന്നൈയില്‍ നടന്ന ഷൂട്ടിംഗിലാണ് പ്രഖ്യാപനം നടന്നത്.
