ലോകേഷ് കനകരാജിന്റെ സംവിധാനത്തില്‍ എത്തിയ ‘കൈതി’ സൂപ്പര്‍ ഹിറ്റ് ആയിരുന്നു. കാര്‍ത്തി നായകനായ ചിത്രം 110 കോടി കളക്ഷന്‍ നേടിയിരുന്നു. ചിത്രത്തിന്റെ വിജയത്തോട് അനുബന്ധിച്ച് കൈതിയുടെ രണ്ടാം ഭാഗവും ലോകേഷ് പ്രഖ്യാപിച്ചിരുന്നു. ‘കൈതി 2’ അടുത്ത വര്‍ഷം പകുതിയോടെ ആരംഭിക്കും എന്നാണ് നരേന്‍ പറയുന്നത്.
കൈതിയുടെ രണ്ടാം ഭാഗം 2023 പകുതിയോടെ തുടങ്ങും. എന്തായാലും ‘വിക്രം’ സിനിമയുമായി ബന്ധപ്പെട്ടതാണ് കൂടുതല്‍ ഒന്നും ചിത്രത്തെ കുറിച്ച് തുറന്ന് പറയാന്‍ പറ്റില്ല. കൈതി രണ്ടാം ഭാഗത്തിന്റെ ഇനിയുള്ള കഥ തനിക്ക് അറിയില്ല, കാരണം ആ സമയത്ത് വിക്രം സിനിമ ഉണ്ടായിരുന്നില്ല.
വിക്രം ഇറങ്ങിയ ശേഷം കഥ മുഴുവന്‍ മാറി അതായത് താന്‍ ചെയ്ത കഥാപാത്രമായ ബിജോയുടെ ലൈഫ് മാറി എന്നാണ് നരേന്‍ ഒരു മാധ്യമത്തിന് നല്‍കിയ അഭിമുഖത്തില്‍ പറയുന്നത്. 2019ല്‍ ആണ് കൈതി തിയേറ്ററുകളില്‍ എത്തിയത്. ഈ വര്‍ഷം ജൂണില്‍ ആയിരുന്നു വിക്രം റിലീസ് ചെയ്തത്.
കൈതിയിലെ നരേന്റെ കഥപാത്രം ബിജോയും കാര്‍ത്തിയുടെ കഥപാത്രം ഡില്ലിയും വിക്രം സിനിമയിലും എത്തുന്നുണ്ട്. കൈതിയുടെ രണ്ടാം ഭാഗം എത്തിയതിന് ശേഷമാകും വിക്രത്തിന്റെ രണ്ടാം ഭാഗം ലോകേഷ് ഒരുക്കുക എന്നാണ് റിപ്പോര്‍ട്ടുകള്‍. അതേസമയം, ‘അദൃശ്യം’ ആണ് നരേന്റെതായി ഇന്ന് റിലീസ് ചെയ്യുന്നത്.
സാക് ഹാരിസിന്റെ സംവിധാനത്തില്‍ ഒരുങ്ങുന്ന ചിത്രമാണ് അദൃശ്യം. ജോജു ജോര്‍ജ്, ഷറഫുദ്ദീന്‍, പവിത്ര ലക്ഷ്മി, ആത്മീയ രാജന്‍ എന്നിവര്‍ മറ്റ് കഥാപാത്രങ്ങളെ അവതരിപ്പിക്കുന്നു. ചിത്രം മലയാളം തമിഴ് എന്നിങ്ങനെ രണ്ടു ഭാഷകളിലാണ് ഒരുങ്ങുന്നത്.