ബിജെപി സർക്കാരിനെ പരിഹസിച്ചുകൊണ്ട് നടൻ പ്രകാശ് രാജ്. പാലങ്ങളും കെട്ടിടങ്ങളും തകർന്നുണ്ടായ നിരവധി അപകടവാർത്തകൾ ഈയിടെ പുറത്തു വന്നിരുന്നു. ഇതിന് പിന്നാലെ ബിജെപി സർക്കാരിനെതിരെ വിമർശനവും ഉയർന്നിരുന്നു. ഇതിനു പിന്നാലെയാണ് പ്രകാശ് രാജ് ട്വിറ്ററിൽ കുറിപ്പ് പങ്കുവച്ചത്.
‘മൺസൂൺ മുന്നറിയിപ്പുകൾ… മഴയിൽ നനയുന്നത് അതിമനോഹരമാണ് .. എന്നാൽ ദയവായി 2014 ന് ശേഷം നിർമ്മിച്ചതോ ഉദ്ഘാടനം ചെയ്തതോ ആയ കെട്ടിടങ്ങൾ, പാലങ്ങൾ, വിമാനത്താവളങ്ങൾ, ഹൈവേകൾ, ആശുപത്രികൾ, ട്രെയിനുകൾ എന്നിവയ്ക്ക് സമീപം പോകരുത്… ശ്രദ്ധിക്കുക’ എന്നാണ് പ്രകാശ് രാജ് പോസ്റ്റ് ചെയ്തിരിക്കുന്നത്.
Monsoon Warnings:-
it’s wonderful to get drenched .. but please don’t go near any buildings,bridges,airports,highways,hospitals or board trains .. Built or Inaugurated after 2014 .. take care #justasking— Prakash Raj (@prakashraaj) July 4, 2024
പോസ്റ്റിനെ പിന്തുണച്ചും എതിർത്തും നിരവധി ആളുകളാണ് കമന്റുകൾ പങ്കുവയ്ക്കുന്നത്. കേന്ദ്രസർക്കാരിനും ബിജെപിക്കുമെതിരെ പതിവായി വിമർശനങ്ങൾ ഉന്നയിക്കുന്ന നടനാണ് പ്രകാശ് രാജ്. സോഷ്യൽ മീഡിയയിലൂടെ താരം പരിഹാസരൂപേണ പല തവണ താരം സർക്കാരിനെതിരെ വിമർശനം ഉന്നയിച്ചിട്ടുണ്ട്.
