പ്രധാനമന്ത്രി നരേന്ദ്ര മോദിയെ പരിഹസിച്ച് നടന്‍ സിദ്ധാര്‍ത്ഥിന്റെ ട്വീറ്റ്. അമേരിക്കയില്‍ നിന്നും തിരിച്ചെത്തിയ പ്രധാനമന്ത്രി ഡല്‍ഹിയിലെ സ്വീകരണച്ചടങ്ങിന്റെ ദൃശ്യങ്ങള്‍ “മറക്കാനാകാത്ത സ്വീകരണം” എന്ന തലക്കെട്ടോടെ ട്വിറ്ററില്‍ പോസ്റ്റ് ചെയ്തിരുന്നു. ഇതിനെ പരിഹസിച്ചാണ് സിദ്ധാര്‍ത്ഥ് ട്വീറ്റ് ചെയ്തത്.
“പരമോന്നത നേതാവ് അദ്ദേഹത്തിന്റെ പാര്‍ട്ടിയും ആളുകളും ചേര്‍ന്ന് നടത്തിയ സ്വീകരണത്തെ കുറിച്ച് വീരവാദം മുഴക്കുകയാണ്. മൊഗാംബോ ഖുശ് ഹുവാ . ഞങ്ങളുടെ നാട്ടില്‍ ക്വാര്‍ട്ടര്‍ ബിരിയാണി പാക്കറ്റ് കൊടുത്താണ് ആളുകളെ കൂട്ടുന്നത്.” സിദ്ധാര്‍ത്ഥ് ട്വീറ്റ് ചെയ്തു.
മിസ്റ്റര്‍ ഇന്ത്യ എന്ന ചിത്രത്തിലെ അമരീഷ് പുരിയുടെ പ്രശസ്തമായ ഒരു സംഭാഷണമാണ് “മൊഗാംബോ ഖുശ് ഹുവാ” എന്നത്. നേരത്തെയും മോദിയ്‌ക്കെതിരെയും ബിജെപിക്കെതിരെയും ശക്തമായ വിമര്‍ശനങ്ങളുമായി സിദ്ധാര്‍ഥ് രംഗത്തു വന്നിട്ടുണ്ട്.