Connect with us
https://southlive.in/wp-content/uploads/2018/08/728-x-90-pix.jpg

CELEBRITY TALK

‘ഇത് വലിയ തെറ്റ്, സംഭവിക്കാന്‍ പാടില്ലായിരുന്നു’ പൊതുവേദിയില്‍ നടിയെ സൂപ്പര്‍ ഫിഗറെന്ന് വിളിച്ച അദ്ധ്യക്ഷനെതിരെ നടന്‍ ശ്രീകാന്ത്, രൂക്ഷ വിമര്‍ശനവുമായി സോഷ്യല്‍ മീഡിയ

, 12:41 pm

നടന്‍ ശ്രീകാന്തിന്റെ പുതിയ ചിത്രം ഉന്‍ കാതല്‍ ഉരുന്താനിന്റെ ഓഡിയോ ലോഞ്ച് ചടങ്ങില്‍ നാടകീയ സംഭവങ്ങളാണ് അരങ്ങേറിയത്.
നടി ചന്ദ്രിക രവിയെ അദ്ധ്യക്ഷന്‍ വേദിയിലേക്ക് ക്ഷണിച്ചത് സൂപ്പര്‍ ഫിഗര്‍ എന്ന് അഭിസംബോധന ചെയ്തുകൊണ്ടാണ്. എന്നാല്‍ തനിക്ക് സംസാരിക്കാന്‍ അവസരം ലഭിച്ചപ്പോള്‍ അദ്ധ്യക്ഷന്‍ നടിയെ സൂപ്പര്‍ ഫിഗര്‍ എന്ന് അഭിസംബോധന ചെയ്തതിന് ശ്രീകാന്ത് മാപ്പ് പറഞ്ഞു. അദ്ധ്യക്ഷനെ നടന്‍ വിമര്‍ശിക്കാനും മറന്നില്ല വലിയ തെറ്റാണ് സംഭവിച്ചതെന്നും ഇത് സംഭവിക്കാന്‍ പാടില്ലാത്തതായിരുന്നുവെന്നും ശ്രീകാന്ത് വേദിയില്‍ തുറന്നടിച്ചു.

സിനിമയില്‍ അഭിസംബോധന ചെയ്യുന്നത് പോലെ ഇതുപോലൊരു പൊതു പരിപാടിയില്‍ നടിയെ സൂപ്പര്‍ ഫിഗര്‍ എന്നൊക്കെ അഭിസംബോധന ചെയ്യുന്നത് വളരെ തെറ്റാണ്. അത് ബഹുമാനക്കുറവാണ്. സ്ത്രീകള്‍ക്ക് ബഹുമാനം നല്‍കണം- ശ്രീകാന്ത് പറഞ്ഞു.

അതേസമയം, സോഷ്യല്‍ മീഡിയയില്‍ ഇത് സംഭവിച്ച ചര്‍ച്ചകള്‍ കൊഴുക്കുകയാണ്. ചെയ്യുന്ന തൊഴിലിന്റെ അടിസ്ഥാനത്തില്‍ അല്ലെങ്കില്‍ സിനിമയില്‍ ലഭിക്കുന്ന വേഷത്തിന്റെ അടിസ്ഥാനത്തിലൊക്കെ സമൂഹം സ്ത്രീകളെ ഇത്തരത്തില്‍ വിലയിരുത്തുന്നത് ശക്തമായി എതിര്‍ക്കപ്പെടേണ്ടതാണെന്ന് സോഷ്യല്‍ മീഡിയ കമന്റുകള്‍ . ഇരുട്ടറയിലെ മുരുട്ടു കഥൈ എന്ന അഡല്‍ട്സ് ഓണ്‍ലി കോമഡി ചിത്രത്തിലൂടെ ശ്രദ്ധേയയാണ് ചന്ദ്രിക രവി.

Advertisement