ഒരു കാലത്ത് മലയാള സിനിമയില്‍ സജീവമായിരുന്നു നടി അഞ്ജു പ്രഭാകര്‍. മലയാളത്തിലെ സൂപ്പര്‍ താരങ്ങള്‍ക്ക് ഒപ്പമെല്ലാം അഞ്ജു അഭിനയിച്ചിട്ടുണ്ട്. നിലവില്‍ തമിഴ് സീരിയലുകളില്‍ സജീവമായ അഞ്ജു തന്റെ ജീവിതത്തെ കുറിച്ച് പറഞ്ഞ കാര്യങ്ങളാണ് ഇപ്പോള്‍ ശ്രദ്ധ നേടുന്നത്.
പതിനേഴാം വയസില്‍ വിവാഹിതയായതോടെ തന്റെ ജീവിതം കീഴ്‌മേല്‍ മറിഞ്ഞു എന്നാണ് അഞ്ജു പറയുന്നത്. പതിനേഴാം വയസ്സുള്ളപ്പോള്‍ ഒരു കന്നഡ ചിത്രത്തിനായി ബാംഗ്ലൂരിലേക്ക് പോയതോടെയാണ് ജീവിതത്തെ കീഴ്‌മേല്‍ മറിഞ്ഞത്. അവിടെ വച്ചാണ് ടൈഗര്‍ പ്രഭാകറിനെ അഞ്ജു പരിജയപ്പെടുന്നത്.
ഇവിടെ വച്ച് പ്രഭാകര്‍ അഞ്ജുവിനോട് പ്രണയം പറയുകയായിരുന്നു. ഒപ്പം വിവാഹാഭ്യര്‍ത്ഥനയും നടത്തി. അതിന് മുമ്പ് മൂന്ന് വിവാഹം കഴിച്ചിരുന്ന നടന്‍, ഭാര്യയും കുട്ടികളുമുണ്ടെന്ന് മറച്ചു വച്ച് തന്നെ വിവാഹം കഴിക്കാന്‍ നിര്‍ബന്ധിക്കുക ആയിരുന്നു.
അന്ന് തനിക്ക് 17 വയസ്സ് മാത്രമേ ഉണ്ടായിരുന്നുള്ളു. വിവാഹത്തിന് തയ്യാറല്ലായിരുന്നു. അന്ന് പ്രഭാകറിന് അമ്പത് വയസായിരുന്നു. ഇക്കാര്യം വീട്ടില്‍ പറഞ്ഞപ്പോള്‍ അവര്‍ വേണ്ടെന്ന് പറഞ്ഞെങ്കിലും അവരുടെ വാക്ക് കേള്‍ക്കാതെ പ്രഭാകറിനൊപ്പം പോവുക ആയിരുന്നു.
Read more
ഇതിന് ശേഷം ആണ് സത്യങ്ങള്‍ പുറത്തു വരുന്നത്. അക്കാര്യം അറിഞ്ഞപ്പോള്‍ താന്‍ ഞെട്ടിപ്പോയി. എല്ലാം അറിഞ്ഞപ്പോഴേക്കും താന്‍ ഗര്‍ഭിണിയായിരുന്നെന്നും കൂടെ കഴിയാന്‍ താല്‍പര്യമില്ലാത്തതിനാല്‍ എല്ലാം ഉപേക്ഷിച്ചു. വിഷാദാവസ്ഥയില്‍ ആയിരുന്നു. സുഖം പ്രാപിച്ച് വന്നപ്പോഴാണ് സീരിയലില്‍ എത്തിയത് എന്നാണ് അഞ്ജു പറയുന്നത്.
