രജനികാന്തിനൊപ്പം ബാലതാരമായും നായികയായും സ്‌ക്രീനിലെത്തിയ താരമാണ് മീന. 22 ഓളം ചിത്രങ്ങളില്‍ ബാലതാരമായി അഭിനയിച്ച ശേഷമാണ് മീന നായികയായി അരങ്ങേറ്റം കുറിച്ചത്. ‘അന്‍പുള്ള രജനികാന്ത്’ എന്ന ചിത്രത്തില്‍ രജനികാന്തിനൊപ്പം അഭിനയിച്ച അനുഭവങ്ങളാണ് മീന ഇപ്പോള്‍ പങ്കുവച്ചിരിക്കുന്നത്.

അന്‍പുള്ള രജനികാന്ത് ചിത്രത്തില്‍ മീന, രജനി പൂ കൊടുമ്പോള്‍ എറിയുന്നതും ചോക്ലേറ്റ് കൊടുക്കുമ്പോള്‍ തുപ്പി കളയുന്നതുമായുള്ള സീനുകളുണ്ട്. എങ്ങനെയാണ് ഇതൊക്കെ ചെയ്തത് എന്ന ചോദ്യത്തോടാണ് മീന പ്രതികരിച്ചത്. ഓടൂ, ചിരിക്കൂ എന്ന് പറയുന്നതു പോലെ തന്നെയായിരുന്നു ആ സീനുകളും എന്നാണ് മീന പറയുന്നത്.

”അത് സിനിമയില്‍ ചെയ്യുന്നതല്ലേ, റിയല്‍ അല്ലല്ലോ. ഓടൂ, കരയൂ, ചിരിക്കൂ എന്നൊക്കെ പറയുന്നത് പോലെയാണ് ഇതും. പൂ തന്നപ്പോ ഞാന്‍ വളരെ ഈസിയായിട്ട് എടുത്ത് എറിഞ്ഞു. ചോക്ലേറ്റ് തന്നപ്പോ തുപ്പണം എന്ന് പറഞ്ഞപ്പോള്‍, അയ്യയ്യോ ചോക്ലേറ്റ് എങ്ങനെയാ..”

”ഞാന്‍ കയ്ക്കാം എന്ന് പറഞ്ഞു. അങ്ങനെ ഉണ്ടായിരുന്നു. പക്ഷെ ആ കഥാപാത്രത്തിന് വേണ്ടി ഞാന്‍ അങ്ങനെ ചെയ്തു, ഷോട്ട് കഴിഞ്ഞ ശേഷം പുതിയൊരു ചോക്ലേറ്റ് തന്നു” എന്നാണ് മീന ഫില്‍മീബീറ്റിന് നല്‍കിയ അഭിമുഖത്തില്‍ പറഞ്ഞത്.

1984ല്‍ റിലീസ് ചെയ്ത ചിത്രമാണ് അന്‍പുള്ള രജനികാന്ത്. കെ നാട്യരാജ് സംവിധാനം ചെയ്ത ചിത്രത്തില്‍ അംബികയാണ് നായികയായി എത്തിയത്. അതേസമയം, ‘ആനന്ദപുരം ഡയറീസ്’ എന്ന ചിത്രമാണ് ഇനി മീനയുടെതായി ഒരുങ്ങുന്നത്. ‘ഇടം’ എന്ന ചിത്രത്തിന് ശേഷം ജയ ജോസ് രാജ് തിരക്കഥയെഴുതി സംവിധാനം ചെയ്യുന്ന ചിത്രം കൂടിയാണ് ആനന്ദപുരം ഡയറീസ്.