നടി രാധിക എന്നാല്‍ മലയാളി പ്രേക്ഷകര്‍ക്ക് ‘ക്ലാസ്മേറ്റ്സ്’ സിനിമയിലെ റസിയയാണ്. റസിയ എന്ന കഥാപാത്രത്തിലൂടെയാണ് രാധിക ഏറെ ശ്രദ്ധ നേടിയത്. മറ്റ് സിനിമകള്‍ ചെയ്തിട്ടും റസിയ എന്ന പേരില്‍ തന്നെയാണ് താരം ഇപ്പോഴും അറിയപ്പെടുന്നത്. പിന്നീട് തനിക്ക് നല്ലൊരു കഥാപാത്രം കിട്ടിയില്ലല്ലോ എന്ന വിഷമം തനിക്കുണ്ടെന്ന് പറയുകയാണ് രാധിക.
ആ ഒരു കഥാപാത്രത്തില്‍ താന്‍ തളയ്ക്കപ്പെട്ട് പോയിട്ടുണ്ടോ എന്നൊരു സംശയം തനിക്കുണ്ട്. ക്ലാസ്മേറ്റ്സ് റിലീസായി എല്ലാവരും വേറെ വേറെ സിനിമകള്‍ ചെയ്ത് മറ്റു ക്യാരക്ടറുകളുടെ പേരിലൊക്കെ പലരും അറിയപ്പെട്ട് തുടങ്ങി. പക്ഷെ താന്‍ ഇപ്പോഴും റസിയയില്‍ നില്‍ക്കുകയാണ്.
അതുപോലെ നല്ല മറ്റൊരു കഥാപാത്രം വന്നില്ലല്ലോ എന്ന വിഷമം തോന്നിയിട്ടുണ്ട് എന്നാണ് രാധിക ഒരു അഭിമുഖത്തില്‍ പറയുന്നത്. ആല്‍ബം ഗാനങ്ങളില്‍ അഭിനയിച്ചതിനെ കുറിച്ചും രാധിക പറയുന്നുണ്ട്. ആല്‍ബം എന്നൊരു കോണ്‍സെപ്റ്റ് അന്ന് ഉണ്ടായിരുന്നില്ല.
താന്‍ വണ്‍ മാന്‍ ഷോ ചെയ്ത് ഒരു ഗ്യാപ് ആയി നിന്നപ്പോഴാണ് ‘പാല്‍നില പുഞ്ചിരി’ എന്ന പാട്ട് ചെയ്യുന്നത്. ആദ്യമായി ചെയ്യുന്നത് ഒരു ഒപ്പന പാട്ടാണ്. പിന്നെ പാട്ടല്ലേ ആര്‍ക്കാണ് ഇഷ്ടമല്ലാത്തെ. ഒപ്പനയില്‍ മണവാട്ടി ആയിട്ട് ഇരിക്കാമെന്ന് പറഞ്ഞപ്പോള്‍ ഒരുപാട് ഇഷ്ടമായി. അങ്ങനെയാണ് ചെയ്യുന്നത്.
ഷൂട്ട് ചെയ്ത് പാട്ട് ടെലികാസ്റ്റ് ചെയ്ത സമയത്ത് ബൈക്ക് ആക്‌സിഡന്റ് ആയി താന്‍ ഹോസ്പിറ്റലില്‍ ആയി. പാട്ട് കണ്ട് തന്നെ കാണാന്‍ വരുന്നവര്‍ എല്ലാം കാണുന്നത് പാച്ച് വര്‍ക്ക് ചെയ്ത മുഖം ആയിരുന്നു. രാവിലെ പാട്ട് വന്നു. വൈകുന്നേരം താന്‍ ആശുപത്രിയില്‍. അത് ഹിറ്റായതിന് പിന്നാലെയാണ് ക്ലാസ്‌മേറ്റ്‌സില്‍ എത്തിയതെന്നും രാധിക ഒരു അഭിമുഖത്തില്‍ വ്യക്തമാക്കി.