‘കൈതി’യുടെ റീമേക്ക് ‘ഭോലാ’യും ഹിറ്റിലേക്ക്. ലോകേഷ് കനകരാജ്-കാര്‍ത്തി കോമ്പോയില്‍ എത്തിയ കൈതി ബോക്‌സോഫീസില്‍ ഹിറ്റ് ആയിരുന്നു. അജയ് ദേവ്ഗണ്‍ ആണ് ചിത്രത്തിന്റെ ഹിന്ദി റീമേക്ക് ഒരുക്കിയത്. ചിത്രത്തിന്റെ സംവിധാനവും ഒപ്പം നായകനായും താരം തന്നെയാണ് എത്തിയത്.
ഭോലായുടെ കളക്ഷന്‍ റിപ്പോര്‍ട്ടുകളാണ് ഇപ്പോള്‍ പുറത്തുവന്നിരിക്കുന്നത്. മാര്‍ച്ച് 30ന് റിലീസ് ചെയ്ത ഭോല 10 ദിവസത്തിനുള്ളില്‍ 67.39 കോടി രൂപ കളക്ഷനാണ് നേടിയത്. ട്രേഡ് അനലിസ്റ്റ് തരണ്‍ ആദര്‍ശ് ആണ് ഈ വിവരം പങ്കുവച്ചത്.
ഭോലായ്ക്ക് രാജ്യത്തെ തിയറ്ററുകളില്‍ മികച്ച തരത്തിലുള്ള പ്രതികരണമാണ് ലഭിക്കുന്നത് എന്നാണ് റിപ്പോര്‍ട്ട്. 3 ഡിയിലാണ് ചിത്രം ഒരുങ്ങിയിരിക്കുന്നന്നത്. അജയ് ദേവ്ഗണിനറെ സംവിധാനത്തിലുള്ള പുതിയ ചിത്രവും വന്‍ വിജയമാകും എന്ന പ്രതീക്ഷയിലാണ് ആരാധകര്‍.
ടി സീരിസ്, റിലയന്‍സ് എന്റര്‍ടെയ്ന്‍മെന്റ്, ഡ്രീം വാരിയേഴ്‌സ് പിക്‌ചേഴ്‌സ് എന്നിവര്‍ ചേര്‍ന്നാണ് നിര്‍മ്മാണം. ‘ദൃശ്യം 2’ ആണ് അജയ് ദേവ്ഗണ്‍ നായകനായി ഇതിനു മുമ്പ് പ്രദര്‍ശനത്തിന് എത്തിയത്. ‘യു മേം ഓര്‍ ഹം’, ‘ശിവായ്’, ‘റണ്‍വേ 34’ എന്നിവയാണ് അജയ് ദേവ്ഗണ്‍ സംവിധാനം നിര്‍വ്വഹിച്ച മറ്റു ചിത്രങ്ങള്‍.