അജയ് വാസുദേവും കുഞ്ചാക്കോ ബോബനും ഒന്നിക്കുന്ന പകലും പാതിരാവും എന്ന സിനിമയുടെ ടൈറ്റില്‍ പോസ്റ്റര്‍ പുറത്തുവിട്ടു. അജയ് തന്നെയാണ് പോസ്റ്റര്‍ ഫാസ്ബോക്കിലൂടെ റിലീസ് ചെയ്തത്. സിനിമയുടെ ചിത്രീകരണം വാഗമണ്ണില്‍ നടക്കുന്നതായും അദ്ദേഹം അറിയിച്ചു.
അജയ് വാസുദേവിന്റെ ഫെയ്‌സ്ബുക്ക് പോസ്റ്റ്
എന്റെ നാലാമത്തെ സിനിമയുടെ ടൈറ്റില്‍ പോസ്റ്റര്‍ നിങ്ങളുടെ മുന്നിലേക്ക് ??
ഗോകുലം മൂവീസിന്റെ ബാനറില്‍ ശ്രീ ഗോകുലം ഗോപാലന്‍ സര്‍ നിര്‍മിച്ച് നിഷാദ് കോയയുടെ തിരക്കഥയില്‍ കുഞ്ചാക്കോ ബോബന്‍, രജിഷ വിജയന്‍,ഗോകുലം ഗോപാലന്‍ സര്‍, തമിഴ് (ജയ് ഭീം ) മനോജ് കെ. യു, സീത എന്നിവര്‍ അഭിനയിക്കുന്ന ‘ പകലും പാതിരാവും ‘ ചിത്രീകരണം സര്‍വശക്തന്റെ അനുഗ്രഹത്താല്‍ വാഗമണ്ണില്‍ നടക്കുന്നു.
Co പ്രൊഡ്യൂസര്‍ വി സി പ്രവീണ്‍, ബൈജു ഗോപാലന്‍, എല്ലാത്തിനും കൂടെ നിക്കുന്ന എക്‌സിക്യൂട്ടീവ് പ്രൊഡ്യൂസര്‍ കൃഷ്ണമൂര്‍ത്തി ചേട്ടനും ബാദുഷക്കും പിന്നണിയില്‍ പ്രവര്‍ത്തിക്കുന്ന നല്ലവരായ സഹ പ്രവര്‍ത്തകര്‍ക്കും എന്റെ നന്ദി രേഖപ്പെടുത്തുന്നു
ഗോകുലം മൂവീസിന്റെ ബാനറില്‍ ഗോകുലം ഗോപാലനാണ് ചിത്രം നിര്‍മ്മിക്കുന്നത്. രജീഷ വിജയനാണ് നായിക. തിങ്കളാഴ്ച്ച നിശ്ചയത്തിലൂടെ ശ്രദ്ധേയനായ മനോജ് കെ യു, സീത തുടങ്ങിയവരും ചിത്രത്തില്‍ ശ്രദ്ധേയമായ കഥാപാത്രങ്ങളെ അവതരിപ്പിക്കുന്നുണ്ട്.ഛായാഗ്രഹണം: ഫായിസ് സിദ്ധീഖ്, സംഗീതം: സ്റ്റീഫന്‍ ദേവസി,എഡിറ്റര്‍: റിയാസ് ബദര്‍,കല സംവിധാനം: ജോസഫ് നെല്ലിക്കല്‍,മേക്കപ്പ്: ജയന്‍, ഡിസൈന്‍: കൊളിന്‍സ്, പ്രൊഡക്ഷന്‍ കണ്‍ട്രോളര്‍: സുരേഷ് മിത്രകാരി, ചീഫ് അസോസിയേറ്റ്: മനീഷ് ബാലകൃഷ്ണന്‍, സ്റ്റില്‍സ്: പ്രേംലാല്‍ പട്ടാഴി.