അടുത്തിടെയാണ് ഉണ്ണി മുകുന്ദനും യൂട്യൂബറും തമ്മിലുള്ള പ്രശ്‌നം വലിയ വിവാദമായിരുന്നു. ഉണ്ണി മുകുന്ദനെ അനുകൂലിച്ചും പ്രതികൂലിച്ചും നിരവധി പേരാണ് രംഗത്ത് വന്നത്. ഇപ്പോഴിതാ വ്‌ലോഗര്‍ക്കെതിരെ പ്രതികരിച്ചിരിക്കുകയാണ്.
മോഹന്‍ലാലിനെ അഭിനയം പഠിപ്പിക്കുന്ന വ്‌ലോഗറെ അടിക്കണമെന്നാണ് കൗമുദിയുമായുള്ള അഭിമുഖത്തില്‍ അഖില്‍ മാരാര്‍ പ്രതികരിച്ചത്. ‘ലാലേട്ടന് കഥാപാത്രമായി മാറാന്‍ വലിയ പരിപാടിയൊന്നുമില്ല. ഒരൊറ്റ ആക്ഷന്‍ പറഞ്ഞാല്‍ അത് അദ്ദേഹത്തിന്റെ മുഖത്ത് കാണാം. എന്റെ സിനിമയുടെ നിര്‍മാതാവിന്റെ മകള്‍ക്ക് ലാലേട്ടനുമായി ഉണ്ടായ അനുഭവം പറയാം.
ഒരു ഫംഗ്ഷനിലോ മറ്റോ ഇരുന്നപ്പോള്‍ ലാലേട്ടാ എനിക്കത് കേട്ടപ്പോള്‍ രോമാഞ്ചം ഉണ്ടായെന്ന് സാറിന്റെ മകള്‍ പറഞ്ഞു. അപ്പോള്‍ ലാലേട്ടന് എന്തിയേ മോളേ കാണിച്ചേ എന്നു പറഞ്ഞു. കൈകാണിച്ചപ്പോള്‍ രോമാഞ്ചം അതല്ല മോളേന്ന് പറഞ്ഞിട്ട് കൈയെന്തോ വീശിയിട്ട്, ഇതാണ് രോമാഞ്ചം എന്നു പറഞ്ഞു.
കംപ്ലീറ്റ് രോമം എഴുന്നേറ്റിരിക്കുകയാണ്. രോമം അഭിനയിക്കുകയാ പുള്ളിയുടെ. അങ്ങേരെയാ ഇവിടെ വന്നിരുന്ന് അഭിനയം പഠിപ്പിക്കുന്നത്. ഇവനെയൊക്കെ ചാണകം വാരി എറിയണ്ടേ നമ്മള്‍.എന്ത് കഷ്ടമാണെന്ന് നോക്കിക്കേ.’ – അഖില്‍ മാരാര്‍ കൂട്ടിച്ചേര്‍ത്തു.