സാമ്പത്തിക തട്ടിപ്പിനെ തുടര്‍ന്ന് ബിജെപി സംസ്ഥാന വക്താവ് സ്ഥാനത്തുനിന്ന് നീക്കിയ സന്ദീപ് വാര്യരെ പിന്തുണച്ച് ബിജെപി മുന്‍ സംസ്ഥാന സമിതിയംഗം രാമസിംഹന്‍ അബൂബക്കര്‍.
‘ഞാന്‍ കൂടെയുണ്ട് സന്ദീപ് വാര്യര്‍’ എന്ന് ഒറ്റവരിയില്‍ ഫെയ്‌സ്ബുക്കിലെഴുതിയാണ് രാമസിംഹന്‍ പിന്തുണയറിയിച്ചത്. സന്ദീപിനെതിരെ ലഭിച്ച പരാതികളെ തുടര്‍ന്നായിരുന്നു പുറത്താക്കല്‍.
കോട്ടയത്ത് ചേര്‍ന്ന ബിജെപി സംസ്ഥാന ഭാരവാഹി യോഗത്തില്‍ സംസ്ഥാന അധ്യക്ഷന്‍ കെ സുരേന്ദ്രനാണ് സന്ദീപ് വാര്യരെ പുറത്താക്കികാെണ്ടുളള തീരുമാനം പ്രഖ്യാപിച്ചത്.
പാര്‍ട്ടിയുടെ പേരില്‍ സാമ്പത്തിക പിരിവ് നടത്തിയെന്ന് ഉള്‍പ്പടെ പരാതികളാണ് സന്ദീപിനെതിരെ ഉയര്‍ന്നത്. സംസ്ഥാന വക്താവ് എന്ന നിലയില്‍ പ്രവര്‍ത്തനം തൃപ്തികരമല്ലെന്നും യോഗം വിലയിരുത്തി.