അഭിമുഖത്തില്‍ തനിക്ക് നേരിടേണ്ടി വന്ന വളരെ വിചിത്രമായ ഒരു ചോദ്യത്തെക്കുറിച്ച് വെളിപ്പെടുത്തി ഹോളിവുഡ് നടി ആന്‍ ഹാത്വേ. സണ്‍ഡാന്‍സ് ഫിലിം ഫെസ്റ്റിവലില്‍ സംസാരിക്കവേയാണ് അവര്‍ കരിയറിന്റെ തുടക്കത്തില്‍ തന്നെ ഒരു മാധ്യമപ്രവര്‍ത്തകന്‍ തന്നോട് ചോദിച്ച ചോദ്യത്തെക്കുറിച്ച് പറഞ്ഞത്.
ആര്‍ യു എ ഗുഡ് ഗേള്‍ ഓര്‍ ബാഡ് ഗേള്‍ എന്നായിരുന്നു അയാളുടെ ചോദ്യം. എനിക്കന്ന് വെറും പതിനാറ് വയസ്സ് മാത്രമാണ് പ്രായം അക്ഷരാര്‍ഥത്തില്‍ ഈ ചോദ്യം കേട്ട് ഞാന്‍ ഞെട്ടിപ്പോയി. ആ പ്രായത്തില്‍ അത്തരമൊരു ചോദ്യത്തിന് നമ്മള്‍ എങ്ങനെയാണ് ഉത്തരം പറയുക.
ആന്‍ ഹാത്വേയുടെ പുതിയ ചിത്രം എലീന്‍ ഒരു ഡാര്‍ക്ക് കോമഡി ത്രില്ലറാണ്. സണ്‍ഡാന്‍സ് ഫിലിം ഫെസ്റ്റിവലില്‍ പ്രദര്‍ശിപ്പിച്ച ചിത്രത്തിന് മികച്ച പ്രതികരണമാണ് ലഭിക്കുന്നത്.
2016-ലെ സംവിധായകന്‍ വില്യം ഓള്‍ഡ്റോയ്ഡിന്റെ പ്രശംസ നേടിയ നാടകമായ ‘ലേഡി മാക്ബെത്ത്’ കണ്ടതിന് ശേഷമാണ് താന്‍ എയ്ലിനായി സൈന്‍ അപ്പ് ചെയ്യാന്‍ തീരുമാനിച്ചതെന്ന് ഹാത്ത്വേ പറഞ്ഞു,
