കോസ്റ്റ്യൂം ധരിച്ച് കഴിഞ്ഞാല്‍ വയര്‍ ചാടിയിരിക്കുന്ന അവസ്ഥ ഉണ്ടാവരുതെന്ന നിര്‍ബന്ധമുണ്ടെന്ന് നടി അനുശ്രീ. ചില ആരോഗ്യപ്രശ്‌നങ്ങള്‍ വന്ന കാലത്ത് കഴിച്ച ചില മരുന്നുകളുടെ ഇഫക്റ്റ് കാരണം അല്‍പം വണ്ണം വെച്ചിട്ടുണ്ട്, അല്ലാതെ വണ്ണം കൂടിപ്പോയല്ലോ എന്നൊരു ചിന്ത ഉണ്ടായിട്ടില്ല എന്നാണ് അനുശ്രീ പറയുന്നത്.

ഫിറ്റ്‌നസിനെ കുറിച്ചാണ് അനുശ്രീ ഇപ്പോള്‍ സംസാരിച്ചിരിക്കുന്നത്. ഫിറ്റ്‌നസ് ഫ്രീക്കായ ഒരാളല്ല. പൊതുവെ വണ്ണമുള്ള പ്രകൃതവുമല്ല. അതുകൊണ്ട് വണ്ണം കൂടുന്നുവെന്ന ഒരു പ്രശ്‌നം ഉണ്ടായിട്ടില്ല. എന്നാല്‍ ചില ആരോഗ്യപ്രശ്‌നങ്ങള്‍ വന്ന കാലത്ത് കഴിച്ച ചില മരുന്നുകളുടെ ഇഫക്റ്റ് കാരണം അല്‍പം വണ്ണം വച്ചിട്ടുണ്ട്.

ഇതിഹാസ എന്ന സിനിമ കഴിഞ്ഞ്, ചന്ദ്രേട്ടന്‍ എവിടെയാ എന്ന സിനിമ ചെയ്യുന്ന സമയത്തൊക്കെ അല്‍പം വണ്ണം വച്ചിരുന്നതിന്റെ കാരണം അതാണ്. ശരീരപ്രകൃതം എങ്ങനെയായിരിക്കണം എന്ന ചിന്തയ്ക്കപ്പുറത്തേക്ക് വണ്ണം കൂടിപ്പോയത് ആ സമയത്ത് മാത്രമാണ്.

അതല്ലാതെ വണ്ണം കൂടിപ്പോയല്ലോ എന്നൊരു ചിന്ത ഇന്നേവരെ അലട്ടിയിട്ടില്ല. ഒരു കോസ്റ്റിയൂം ഇട്ട് കഴിഞ്ഞാല്‍ അതു ചേരാതെ വരുക, വയറു ചാടുക, ഭയങ്കര ചബ്ബിയായായിരിക്കുക, അങ്ങനെയുള്ള അവസ്ഥകളൊന്നും വരരുതെന്ന് നിര്‍ബന്ധമുണ്ട്.

അധികം വണ്ണം വയ്ക്കുന്നത് ഇഷ്ടമില്ലാത്തതിന് മറ്റൊരു കാരണവുമുണ്ട്. വ്യത്യസ്തങ്ങളായ കോസ്റ്റിയൂം ട്രൈ ചെയ്യാന്‍ പറ്റില്ല എന്നാണ് വനിതയ്ക്ക് നല്‍കിയ അഭിമുഖത്തില്‍ അനുശ്രീ പറയുന്നത്. അതേസമയം, ‘താര’ എന്ന ചിത്രമാണ് അനുശ്രീയുടെതായി ഇപ്പോള്‍ ഒരുങ്ങി കൊണ്ടിരിക്കുന്നത്.