അവിവാഹിതയായ അഭിനേതാക്കള്‍ക്ക് മുന്നിലെത്തുന്ന ക്ലീഷേ ചോദ്യങ്ങളിലൊന്നാണ് പ്രണയം, വിവാഹം, വിവാഹസങ്കല്‍പ്പം എന്നിവ. നടി അനുശ്രീയും ഈ ചോദ്യത്തോട് പ്രതികരിച്ചിട്ടുണ്ട്. എന്നാകും വിവാഹം എന്ന ചോദ്യത്തിന് അനുശ്രീ നല്‍കിയ മറുപടിയാണ് ഇപ്പോള്‍ ശ്രദ്ധ നേടുന്നത്.
വിവാഹം എന്ന ഉത്തരവാദിത്വം ഏറ്റെടുക്കാന്‍ താന്‍ ഇപ്പോഴും പ്രാപ്തയായിട്ടില്ല എന്നാണ് അനുശ്രീ പറയുന്നത്. ”വിവാഹം കഴിക്കാനുള്ള പ്ലാനിംഗിലേക്ക് എത്തിയിട്ടില്ല. അതിലേക്ക് ഇനിയും ഒത്തിരി ദൂരം പോകാനുണ്ട്. വിവാഹം ചെറിയൊരു കാര്യമല്ലെന്ന് വിശ്വസിക്കുന്ന ആളാണ് ഞാന്‍.”
”വലിയൊരു ഉത്തരവാദിത്വമാണത്. അതിലേക്ക് പോയി കഴിഞ്ഞാല്‍ ആ ഒരു ഉത്തരവാദിത്തം എടുക്കണം. ഫ്രീയായ മൈന്‍ഡില്‍ അതിനെ കാണാന്‍ താല്‍പര്യമില്ല. എപ്പോഴാണോ വിവാഹത്തെ സീരിയസ് ആയി കാണാന്‍ പ്രാപ്തമാകുന്നത് അപ്പോള്‍ ഉണ്ടാകുമാകും.”
”ഇപ്പോള്‍ അങ്ങനത്തെ ചിന്തകളും കാര്യങ്ങളും ഒന്നുമില്ല” എന്നാണ് അനുശ്രീ ഒരു യൂട്യൂബ് ചാനലിന് നല്‍കിയ അഭിമുഖത്തില്‍ തുറന്നു പറഞ്ഞിരിക്കുന്നത്. നേരത്തെ ഉണ്ണി മുകുന്ദനും അനുശ്രീയും പ്രണയത്തിലാണെന്നും വിവാഹിതരാകാന്‍ പോകുന്നുവെന്നുമുള്ള വാര്‍ത്തകള്‍ സോഷ്യല്‍ മീഡിയയില്‍ പ്രചരിച്ചിരുന്നു.
ഗണേശോത്സവ വേദിയില്‍ ഉണ്ണി മുകുന്ദനൊപ്പം അനുശ്രീ പങ്കെടുത്ത വീഡിയോ സോഷ്യല്‍ മീഡിയയില്‍ വൈറലായിരുന്നു. ഉണ്ണിയുടെ ‘തത്സമയം ഒരു പെണ്‍കുട്ടി’ എന്ന ചിത്രത്തിലെ ‘എന്തേ ഹൃദയതാളം’ എന്ന ഗാനത്തിനൊപ്പം അനുശ്രീ പങ്കുവച്ച വീഡിയോ ആരാധകര്‍ ഏറ്റെടുത്തിരുന്നു.