കുറച്ചുനാളുകളായി വാര്‍ത്തകളില്‍ നിറഞ്ഞു നില്‍ക്കുന്ന താരമാണ് അനുശ്രീ. സീരിയല്‍ രംഗത്ത് ക്യാമറമാനായി പ്രവര്‍ത്തിക്കുന്ന വിഷ്ണു സന്തോഷിനെയാണ് അനുശ്രീ വിവാഹം ചെയ്തത്. വീട്ടുകാരുടെ സമ്മതമില്ലാതെയുള്ള വിവാഹമായിരുന്നു ഇവരുടേത്. ഗര്‍ഭിണി ആയിരിക്കെ അനുശ്രീ സ്വന്തം വീട്ടിലേക്ക് വന്നിരുന്നു. അമ്മയുടെ പരിചരണത്തില്‍ ആയിരുന്നു പിന്നീട് അനുശ്രീ.
പ്രസവം കഴിഞ്ഞ് മാസങ്ങളായെങ്കിലും അനുശ്രീ ഇപ്പോഴും സ്വന്തം വീട്ടില്‍ തന്നെയാണ് നില്‍ക്കുന്നത്. താനും വിഷ്ണുവും തമ്മില്‍ പ്രശ്‌നങ്ങളുണ്ടെന്നും തങ്ങള്‍ പിരിഞ്ഞെന്നും അനുശ്രീ അടുത്തിടെ വെളിപ്പെടുത്തിയിരുന്നു.
തന്റെ വിവാഹം എടുത്തുചാട്ടമായി പോയെന്ന് അനുശ്രീ മുമ്പ് പറഞ്ഞിരുന്നു. ഇപ്പോഴിതാ, സീ മലയാളം ന്യൂസിന് നല്‍കിയ അഭിമുഖത്തില്‍ വിവാഹത്തെക്കുറിച്ച് തുറന്നുപറഞ്ഞിരിക്കുകയാണ് നടി. ചിന്തിച്ച് വേണം വിവാഹം കഴിക്കാന്‍ എന്നാണ് അനുശ്രീയുടെ പക്ഷം. സ്വന്തം കുടുംബജീവിതം കോമ്പ്രമൈസ് ചെയ്യാന്‍ ആരും ശ്രമിക്കില്ലെന്നും ഒരുപോലെയുള്ള ജീവിത സാഹചര്യങ്ങളില്‍ നിന്നുള്ളവരെ വേണം വിവാഹം കഴിക്കാന്‍ എന്നുമാണ് അനുശ്രീ പറയുന്നത്.
‘ചിന്തിക്കണം, ചിന്തിച്ചിട്ട് വേണം കല്യാണം കഴിക്കാന്‍. കാരണം നമ്മുടെ കുടുംബജീവിതം അത് ഒരിക്കലും കോമ്പ്രമൈസ് ചെയ്ത് കൊടുക്കാന്‍ നമ്മള്‍ ശ്രമിക്കത്തില്ല. പക്ഷെ കോമ്പ്രമൈസ് ചെയ്യാന്‍ പറ്റുന്നത് ആണെങ്കില്‍ മാക്സിമം കോമ്പ്രമൈസ് ചെയ്യാം. എന്നാല്‍ നമ്മുടെ ഫാമിലി ലൈഫിന് താഴെയോ അല്ലെങ്കില്‍ മോളിലോ ഒരിക്കലും പോകാതെ ഇരിക്കുക.
‘അങ്ങനെയൊരു ബന്ധം കണ്ടുപിടിക്കുക. കാരണം താഴോട്ട് ആണെങ്കില്‍ നമ്മുക്ക് അഡ്ജസ്റ്റ് ചെയ്യാന്‍ പറ്റില്ല. മോളിലോട്ട് ആണെങ്കില്‍ നമ്മുക്ക് സഹിക്കാന്‍ പറ്റില്ല. നമ്മുടെ ലൈഫിന്റെ ഒരു വേവ് ലെങ്ത് നോക്കിയിട്ട് അതിന് പറ്റുന്ന ഒരാളെ കണ്ടു പിടിച്ച് കല്യാണം കഴിക്കുക. അനുശ്രീ പറഞ്ഞു.