സിനിമയില്‍ നിന്നും ഇടവേള എടുത്ത നടി അര്‍ച്ചന കവി മിനിസ്‌ക്രീനിലൂടെ വീണ്ടും അഭിനയ രംഗത്ത് സജീവമായിരിക്കുകയാണ്. സിനിമയില്‍ നിന്നും സീരിയലിലേക്ക് വന്ന താന്‍ നേരിടേണ്ടി വന്ന ചോദ്യങ്ങളെ കുറിച്ചും വിമര്‍ശനങ്ങളെ കുറിച്ചും തുറന്നു പറഞ്ഞിരിക്കുകയാണ് അര്‍ച്ചന ഇപ്പോള്‍.
സിനിമയില്‍ അവസരങ്ങള്‍ ഒന്നും കിട്ടാത്തത് കൊണ്ടാണ് സീരിയിലേക്ക് പോയത് എന്ന് പലരും പറഞ്ഞിട്ടുണ്ട്. താന്‍ ഇടയ്ക്ക് തന്റെ മെന്റല്‍ ഹെല്‍ത്തിനെ കുറിച്ച് പറഞ്ഞിരുന്നു, അതുകൊണ്ട് തനിക്ക് ഭ്രാന്ത് ആണ് എന്ന് പറഞ്ഞവരും ഉണ്ട്. പക്ഷെ അത്തരം നെഗറ്റീവ് കമന്റുകള്‍ക്ക് ഒന്നും താന്‍ അധികം പ്രാധാന്യം കൊടുക്കാറില്ല.
എന്നാല്‍ താന്‍ അഭിനയത്തിലേക്ക് തിരിച്ചു വരുന്നു എന്ന് അറിഞ്ഞപ്പോള്‍ ആശംസ അറിയിച്ചും നിരവധി പേര്‍ എത്തിയിരുന്നു. അജു ആണ് തനിക്ക് ആദ്യം അഭിനന്ദനം അറിയിച്ചത്. ‘ട്രെയ്‌ലര്‍ കണ്ടിരുന്നു, നന്നായിട്ടുണ്ട്. കൊച്ചിയില്‍ ഉണ്ടാവുമല്ലോ കാണണം’ എന്ന് അജു മെസേജ് അയച്ചിരുന്നു.
Read more
താനത് ഒട്ടും പ്രതീക്ഷിച്ചിരുന്നില്ല. വെല്‍ക്കം ബാക്ക് എന്നും ധാരാളം പേര്‍ മെസേജ് അയച്ചിരുന്നു എന്നാണ് അര്‍ച്ചന ഒരു അഭിമുഖത്തില്‍ പറയുന്നത്. 2016ല്‍ എത്തിയ ‘ദൂരം’ ആയിരുന്നു അര്‍ച്ചന വേഷമിട്ട അവസാന ചിത്രം. ഇതിന് ശേഷം ഇടവേള എടുത്ത അര്‍ച്ചന ‘റാണി രാജ’ എന്ന സീരിയലിലൂടെയാണ് അഭിനയത്തിലേക്ക് തിരിച്ചെത്തിയിരിക്കുന്നത്.
