ആവശ്യമാണെങ്കില്‍ മാത്രം ചെയ്യേണ്ട ഒന്നാണ് വിവാഹമെന്ന് നടി അര്‍ച്ചന കവി. എന്തിനാണ് കല്യാണം കഴിക്കുന്നത് എന്നതിനെ കുറിച്ച് കൃത്യമായ ധാരണ വേണം. കാരണം വിവാഹം ചെയ്യാനായി ഒരു സൈന്‍ മതി, എന്നാല്‍ ഡിവോഴ്‌സ് കിട്ടാനായി ഒരു കെട്ട് പേപ്പറില്‍ സൈന്‍ ചെയ്യണം എന്നാണ് അര്‍ച്ചന പറയുന്നത്.
20165ല്‍ സ്റ്റാന്‍ഡ് അപ്പ് കൊമേഡിയനായ അബീഷ് മാത്യുവിനെയാണ് അര്‍ച്ചന വിവാഹം ചെയ്തത്. താരത്തിന്റെ ബാലകാല സുഹൃത്ത് കൂടിയായിരുന്നു അബീഷ്. എന്നാല്‍ 2021ല്‍ ഇവര്‍ വിവാഹമോചിതയായിരുന്നു. തന്റെ വിവാഹമോചനത്തെ കുറിച്ച് പറഞ്ഞു കൊണ്ടാണ് അര്‍ച്ചന സംസാരിക്കുന്നത്.
Also read
വളരെ പ്രാക്റ്റിക്കലായി ചിന്തിക്കുന്നയാളാണ് അബീഷ്. എന്നാല്‍ താന്‍ ഇമോഷ്ണലായിട്ടുള്ള വ്യക്തിയാണ്. പരസ്പരമുളള പ്രശ്‌നം സൗഹൃദത്തെ ബാധിക്കരുതെന്ന് വിചാരിച്ചാണ് പിരിയാന്‍ തീരുമാനിച്ചത് എന്നും അര്‍ച്ചന വ്യക്തമാക്കി. അതേസമയം, ഒരിടവേളയ്ക്ക് ശേഷം വീണ്ടും അഭിനയത്തിലേക്ക് തിരിച്ചെത്തിയിരിക്കുകയാണ് താരം.
Read more
‘രാജ റാണി’ എന്ന സീരിയലിലൂടെയാണ് താരം വീണ്ടും അഭിനയലോകത്ത് സജീവമായിരിക്കുന്നത്. ലാല്‍ ജോസിന്റെ ഒരുങ്ങിയ ‘നീലത്താമര’ എന്ന സിനിമയിലൂടെ 2009ല്‍ ആണ് അര്‍ച്ചന സിനിമയിലേക്ക് എത്തുന്നത്. ‘വണ്‍സ് അപ്പോണ്‍ എ ടൈം ദെര്‍ വാസ് എ കള്ളന്‍’ എന്ന സിനിമയായിരുന്നു താരത്തിന്റെതായി ഒടുവില്‍ പുറത്തിറങ്ങിയത്.
