മലയാളത്തിന്റെ ജനപ്രിയതാരവും തമിഴകത്തിന്റെ ആക്ഷന്‍ കിങും ഒന്നിക്കുന്ന ജാക്ക് ആന്‍ഡ് ഡാനിയല്‍ റിലീസിനെത്തിരിയിക്കുകയാണ്. സ്‌റ്റൈലിഷ് മോഷ്ടാവായി ദിലീപ് എത്തുമ്പോള്‍ അന്വേഷണ ഉദ്യോഗസ്ഥന്റെ വേഷമാണ് അര്ജുന്. ദിലീപിന്റെ അഭിനയം തന്നെ ഏറെ അത്ഭുതപ്പെടുത്തിയിട്ടുള്ളതാണെന്നും തെങ്കാശിപ്പട്ടണത്തിലെ അഭിനയം കണ്ട് തനിക്ക് “ശത്രു”വിന്റെ വേഷം ചെയ്യണമെന്നുണ്ടായിരുന്നു എന്നുമാണ് അര്ജുന് പറയുന്നത്.
“തെങ്കാശിപ്പട്ടണം എന്ന സിനിമ തെലുങ്കില്‍ റീമേക്ക് ചെയ്തത് ഞാനാണ്. തെങ്കാശിപ്പട്ടണത്തില്‍ ദിലീപിന്റെ അഭിനയം ആ വേഴ്‌സിറ്റാലിറ്റി ഒക്കെ എനിക്കിഷ്ടപ്പെട്ടു ഇതാരാണെന്നു ഞാന്‍ അന്വേഷിച്ചിരുന്നു. അതിനുശേഷം വിസാഗില്‍ വച്ച് ദിലീപ് ഒരു ഷൂട്ടിന് വന്നപ്പോള്‍ ഞാന്‍ മറ്റൊരു സിനിമയുടെ ഷൂട്ടിങ്ങുമായി ബന്ധപ്പെട്ട് അവിടെ ഉണ്ടായിരുന്നു. അങ്ങനെ ഞങ്ങള്‍ പരിചയപ്പെട്ടു. തെങ്കാശിപ്പട്ടണത്തിലെ ദിലീപിന്റെ അഭിനയം കണ്ട് എനിക്ക് ആ വേഷം ചെയ്യണമെന്നുണ്ടായിരുന്നു പക്ഷേ കോമഡിയില്‍ ദിലീപിന്റെ അത്ര വേഴ്‌സിറ്റാലിറ്റി ഇല്ലാത്തതു കൊണ്ട് ചെയ്യാന്‍ പറ്റിയില്ല.” മനോരമയുമായുള്ള അഭിമുഖത്തില്‍ അര്ജുന് പറഞ്ഞു.
എസ്.എല്‍ പുരം ജയസൂര്യ സംവിധാനം ചെയ്യുന്ന ജാക്ക് ഡാനിയലില്‍ അഞ്ജു കുര്യനാണ് നായിക. സൈജു കുറുപ്പ് , ദേവന്‍, ഇന്നസെന്റ്, ജനാര്‍ദ്ദനന്‍, അശോകന്‍, സുരാജ് വെഞ്ഞാറമ്മൂട്, അജു വര്‍ഗ്ഗീസ് എന്നവരും ചിത്രത്തിലുണ്ട്. എന്‍ജികെ, ഇരവി, ഇരുധി സുട്രു തുടങ്ങിയ ചിത്രങ്ങള്‍ക്കായി ക്യാമറ ചലിപ്പിച്ചിട്ടുള്ള ശിവകുമാര്‍ വിജയനാണ് ചിത്രത്തിന്റെ ഛായാഗ്രാഹകന്‍. സംഗീതസംവിധാനം ഗോപി സുന്ദറാണ്. തമീന്‍സ് ഫിലിംസിന്റെ ബാനറില്‍ ഷിബു തമീന്‍സാണ് ചിത്രം നിര്‍മ്മിക്കുന്നത്.