താനും വിവാഹമോചനത്തെ കുറിച്ച് ചിന്തിച്ചിരുന്നുവെന്ന് ഗായിക ആശ ഭോസ്ലെ. വര്‍ധിച്ചു വരുന്ന വിവാഹമോചനങ്ങളെ കുറിച്ച് ഗായിക പറഞ്ഞ വാക്കുകളാണ് ചര്‍ച്ചയാകുന്നത്. ഭര്‍ത്താവിന്റെ സഹായം കൂടാതെയാണ് താന്‍ മൂന്ന് മക്കളെയും വളര്‍ത്തിയത് എന്നാണ് ആശ ഭോസ്ലെ പറയുന്നത്.
എനിക്കും ഭര്‍ത്താവുമായി പല പൊരുത്തക്കേടുകളും ബുദ്ധിമുട്ടുകളും നേരിടേണ്ടി വന്നിട്ടുണ്ട്. പക്ഷേ ഞാന്‍ ഒരിക്കലും വിവാഹമോചനത്തെ കുറിച്ച് ചിന്തിച്ചിട്ടില്ല. പ്രശ്‌നം പരിഹരിക്കാനാകുമോ എന്ന് നോക്കുകയും, ക്ഷമോടെ കുടുംബത്തെ നിലനിര്‍ത്താന്‍ ശ്രമിക്കുകയും ചെയ്തു.
ഞങ്ങളുടെ തലമുറയിലെ ആളുകള്‍ അങ്ങനെയാണ്. അന്ന് വിവാഹമോചന വാര്‍ത്തകള്‍ കേള്‍ക്കുന്നത് പോലും വളരെ ചുരുക്കമായിരുന്നു. ഇന്ന് ഓരോ മാസവും ഓരോ വിവാഹമോചന വാര്‍ത്ത കേള്‍ക്കേണ്ടി വരുന്നു. ഇന്നത്തെ സ്ത്രീ-പുരുഷ ബന്ധങ്ങളില്‍ പ്രണയത്തേക്കാള്‍ കൂടുതലായി കാണുന്നത് ആകര്‍ഷണമാണ്.
അതിനാല്‍ തന്നെ അവരിലെ പ്രണയം വേഗം ഇല്ലാതാവുകയും തമ്മില്‍ വളരെ പെട്ടെന്ന് മടുപ്പ് അനുഭവപ്പെടുകയും ചെയ്യും. ഇതൊക്കെയാവാം ഇന്നത്തെ തലമുറയിലെ യുവാക്കളെ വിവാഹമോചനത്തിന് പ്രേരിപ്പിക്കുന്നത്. പത്താം വയസിലാണ് പിന്നണി ഗായികയാവുന്നത്.
എന്റെ ഭര്‍ത്താവിന്റെ സഹായം കൂടാതെയാണ് മൂന്ന് കുട്ടികളെയും ഞാന്‍ വളര്‍ത്തിയത്. എന്റെ ഉത്തരവാദിത്തങ്ങളിലൊന്നും ഞാന്‍ വീഴ്ച വരുത്തിയിട്ടില്ല. രാവും പകലും തിരക്കുളള ജോലി ആയിരുന്നിട്ടും അവരെ വളര്‍ത്തി, വിവാഹം കഴിപ്പിച്ച് അയച്ചു, ഇപ്പോള്‍ എനിക്ക് പേരക്കുട്ടികളുമുണ്ട്.
എന്റെ മക്കള്‍ എന്റെ കരിയറിനെ ബാധിച്ചിട്ടില്ല. അവരെ വളര്‍ത്തുന്നതോടൊപ്പം ഞാന്‍ എന്റെ സംഗീതത്തോടുളള ഇഷ്ടവും വിടാതെ നിലനിര്‍ത്തി. എന്നാല്‍ ഇന്നത്തെ കാലത്ത്, പ്രസവം മിക്ക സ്ത്രീകള്‍ക്കും ഒരു ഭാരമാണ് എന്നാണ് ആശ ഭോസ്ലെ പറയുന്നത്.