ദൃശ്യത്തിലൂടെ മലയാളികൾക്ക് പ്രിയങ്കരിയായ നടിയാണ് ആശാ ശരത്ത്. ഐജി ഗീത പ്രഭാകറായെത്തി തെന്നിന്ത്യയൊട്ടാകെ ആരാധകരെ നേടിയെടുത്ത നടി തന്റെ ദാമ്പത്യ ജീവിതത്തെപ്പറ്റിയും മക്കളെപ്പറ്റിയും തുറന്ന് പറഞ്ഞിരിക്കുകയാണ് ഇപ്പോൾ. ജിഞ്ചർ മിഡിയയ്ക്ക് നല‍കിയ അഭിമുഖത്തിനിടെ അവതാരകയുടെ ചോദ്യത്തിന് മറുപടിയയായാണ് ആശാ തന്റെ വിവാഹത്തെപ്പറ്റിയും ജീവിതത്തെപ്പറ്റിയും മനസ്സ് തുറന്നത്.
“പതിനെട്ടാം വയസ്സിൽ വിവാഹിതയായ ആളാണ് താൻ. തന്റെ ഫ്രണ്ട്സ് ഗ്രൂപ്പുകൾക്കിടയിൽ ആദ്യം കല്ല്യാണം കഴിച്ച വ്യക്തി താനാണ്, എന്തിന് കോളേജിൽ പോലും ആദ്യം വിവാഹം കഴിഞ്ഞത് എൻ്റെയാണ്. അതുകൊണ്ട് തനിക്കൊരു ബുദ്ധിമുട്ടും സംഭവിച്ചിട്ടില്ല. ജീവിതത്തിന് കൂടുതൽ നിറം ലഭിക്കുകയാണ് ചെയ്തതെന്നും ” ആശ പറഞ്ഞു.
തൻ്റെ എല്ലാ കാര്യത്തിനും കൂടുതൽ സപ്പോർട്ട് നൽകുന്നത് ഭർത്താവാണ്. വീട് എന്ന് പറയുമ്പോൽ തന്നെ നാല് ഫ്രണ്ട്സ് കൂടി ജീവിക്കുന്ന ഒരു ഫീലാണ് തനിക്ക് ലഭിക്കുന്നതെന്നും ആശ പറഞ്ഞു. അവരുടെ എല്ലാ കാര്യങ്ങൾക്കും സമയം നൽകി അവരെ ബുദ്ധിമുട്ടിക്കാതെ ഇരിക്കാൻ താൻ ശ്രമിക്കാറുണ്ടെന്നും ആശ കൂട്ടിച്ചേർത്തു.
തനിക്ക് ജീവിതത്തിൽ കേൾക്കേണ്ടി വന്ന എറ്റവും വലിയ ചോദ്യം ദൃശ്യം ഹിറ്റായശേഷമായിരുന്നുവെന്നും. ദൃശ്യത്തിൽ മോഹൻലാലിനെ തല്ലിയതിനെപ്പറ്റിയാണ് എല്ലാവരും ചോദിക്കുന്നതെന്നും ആശ പറഞ്ഞിരുന്നു.