വിജയ്ക്കും അദ്ദേഹം നായകനായെത്തുന്ന പുതിയ ചിത്രം വാരിസിനുമെതിരെ നടന്‍ ബയല്‍വാന്‍ രംഗനാഥന്‍ രംഗത്ത്. യൂട്യൂബ് വീഡിയോയിലൂടെയാണ് രംഗനാഥന്റെ വിമര്‍ശനം.
ട്രെയിലറിലെ പാട്ടിനെയാണ് രംഗനാഥന്‍ ആദ്യം വിമര്‍ശിക്കുന്നത്. വാ തലൈവാ വാ, നീയെ തുണ എന്ന് തുടങ്ങുന്ന പാട്ടിനെയാണ് അദ്ദേഹം വിമര്‍ശിക്കുന്നത്. ഇതെന്ത് പാട്ടാണ്? വിജയ് സ്വയം തലൈവനായി പ്രഖ്യാപിച്ചോ? അതേസമയം ചിത്രത്തിലെ കുടുംബത്തെക്കുറിച്ചുള്ള പരാമര്‍ശങ്ങളേയും അദ്ദേഹം വിമര്‍ശിക്കുന്നത്.
കൂട്ടുകുടംബത്തിന്റെ കഥയാണ് വാരിസ് പറയുന്നത് എന്നാണ് ട്രെയിലറില്‍ നിന്നും മനസിലാകുന്നത്. കൂട്ടുകുടുംബമായി കഴിയുന്നതിന്റെ മഹിമയും ചിത്രം പറയുന്നുണ്ട്. സ്വയം നേതാവായി കാണുന്ന നടന്‍ നല്ല കാര്യങ്ങളാണ് സിനിമയില്‍ പറയുന്നത്. കൂട്ടുകുടുംബമായി കഴിയാന്‍ പറയുന്നു, അനിയന്മാര്‍ക്കും അനിയത്തിമാര്‍ക്കും മറ്റുള്ളവര്‍ക്കും ഉപദേശം നല്‍കുന്നത്.
എന്നാല്‍ വിജയ് പോലും തന്റെ വാക്കുകള്‍ കേള്‍ക്കുന്നില്ലെന്നാണ് രംഗനാഥന്റെ വിമര്‍ശനം. വംശി പാഡിപള്ളിയാണ് വാരിസ് സംവിധാനം ചെയ്യുന്നത്. രശ്മിക മന്ദാനയാണ് ചിത്രത്തിലെ നായിക. ഇരുവരും ആദ്യമായിട്ടാണ് ഒരുമിച്ച് അഭിനയിക്കുന്നത്.
എസ് തമന്‍ ആണ് സംഗീത സംവിധാനം. ജനുവരി 11 നാണ് സിനിമയുടെ റിലീസ്. ശരത്കുമാര്‍, പ്രഭു, പ്രകാശ് രാജ്, ഖുശ്ബു, ജയസുധ, യോഗി ബാബു, സംഗീത ക്രിഷ് തുടങ്ങിയവരും ചിത്രത്തില്‍ പ്രധാന വേഷങ്ങളിലെത്തുന്നുണ്ട്.