നീണ്ട ഒരിടവേളയ്ക്കു ശേഷം അഭിനയ രംഗത്തേയ്ക്ക് തിരിച്ചു വരവ് നടത്തിയിരിക്കുകയാണ് ബിന്ദു പണിക്കര്‍. ഇപ്പോഴിതാ അഭിനയത്തിൽ നിന്ന് ഇടവേള എടുക്കാനുണ്ടായ കാരണത്തെ കുറിച്ച് മനസ്സ് തുറന്നിരിക്കുകയാണ്. താൻ അഭിനയം ഉപേക്ഷിച്ചതായിരുന്നില്ല. നല്ല അവസരങ്ങള്‍ ലഭിക്കാത്തത് കൊണ്ടാണ് സിനിമയിൽ നിന്ന് മാറിനിന്നതെന്നും ബിന്ദു പണിക്കര്‍ പറഞ്ഞു.
താൻ ഇവിടെ തന്നെ ഉണ്ടായിരുന്നു. എന്തുകൊണ്ടാണ് സിനിമകള്‍ വരാതിരുന്നതെന്ന് അറിയില്ല. തനിക്ക് ചേരുന്ന കഥാപാത്രങ്ങള്‍ ഉണ്ടായിരുന്നിരിക്കില്ല അതാകും ആരും വിളിക്കാതിരുന്നതെന്നും എന്നാൽ റോഷാക്കിൽ നല്ലെരു കഥാപാത്രത്തെ ചെയ്യാൻ അവസരം ലഭിച്ചെന്നും അവർ പറഞ്ഞു.
സിനിമയില്‍ നിന്ന് മാറ്റി നിര്‍ത്ത പെട്ടതായി തനിക്ക് തോന്നിയിട്ടില്ലെന്നും ജിഞ്ചർ മീഡിയ്ക്ക് നൽകിയ അഭിമുഖത്തില്‍ ബിന്ദു പണിക്കര്‍ പറഞ്ഞു. റോഷാക്കിലെ ബിന്ദു പണിക്കരുടെ കഥാപാത്രം ഇതുവരെ കണ്ടതില്‍ നിന്നും വ്യത്യസ്തമായിരിക്കും എന്ന് നടന്‍ മമ്മൂട്ടി കഴിഞ്ഞ ദിവസം നടന്ന പ്രസ്സ് മീറ്റില്‍ പറഞ്ഞിരുന്നു.
ഗ്രേസ് ആന്റണിക്കൊപ്പം അമ്മായിയമ്മ കഥാപാത്രമായാണ് ചിത്രത്തില്‍ ബിന്ദു പണിക്കർ എത്തിയിരിക്കുന്നത്. എന്നാല്‍ സാധാരണ കണ്ട അമ്മായിയമ്മ-മരുമകള്‍ കഥാപാത്രങ്ങളെയാകില്ല റോഷാക്കില്‍ കാണുകയെന്ന് ബിന്ദു പണിക്കര്‍ പറഞ്ഞു.