തെലുങ്ക് താരം റാണ ദഗുബതി ദുല്‍ഖര്‍ സല്‍മാനെ കുറിച്ച് പറഞ്ഞ വാക്കുകള്‍ ശ്രദ്ധ നേടുന്നു. ബോളിവുഡിലെ ഒരു പ്രമുഖ നടി ദുല്‍ഖറിന്റെ സമയം അനാവശ്യമായി പാഴാക്കി എന്നാണ് റാണ പറയുന്നത്. ആക്ടിംഗ് സ്‌കൂളില്‍ പഠിക്കുന്ന കാലം തൊട്ട് താനും ദുല്‍ഖറും സുഹൃത്തുക്കളാണ് എന്നും റാണ വ്യക്തമാക്കി.
‘കിംഗ് ഓഫ് കൊത്ത’യുടെ ഹൈദരാബാദിലെ പ്രീ റിലീസ് ഇവെന്റില്‍ റാണയും നാനിയും മുഖ്യതിഥികളായിരുന്നു. ഈ ഇവന്റിലാണ് ദുല്‍ഖറിനെ കുറിച്ചുള്ള അനുഭവം റാണ പങ്കുവെച്ചത്. ആക്ടിംഗ് സ്‌കൂളില്‍ ദുല്‍ഖറിന്റെ സീനിയര്‍ ആയിരുന്നു റാണാ ദഗുബാട്ടി.
ബോളിവുഡിലെ പ്രമുഖ നടി ദുല്‍ഖറിന്റെ സമയം അനാവശ്യമായി പാഴാക്കിയതിനെ കുറിച്ചും അതിനോടുള്ള അദ്ദേഹത്തിന്റെ ശാന്തമായ പ്രതികരണത്തെ കുറിച്ചുമായിരുന്നു റാണ പറഞ്ഞത്. ഇത് കണ്ട് തനിക്ക് പോലും ദേഷ്യം വന്നുവെന്നും റാണ പറഞ്ഞു.
ദുല്‍ഖറിനൊപ്പം അഭിനയിക്കാനെത്തിയ ഹിന്ദിയിലെ പ്രമുഖ നടി, അദ്ദേഹത്തിന്റെ സമയത്തെ മാനിക്കാതെ നീണ്ട ഫോണ്‍ സംഭാഷണത്തില്‍ ഏര്‍പ്പെട്ടു. ദുല്‍ഖറിന്റെ തിരക്കിനെ അവഗണിച്ച് നടി ലണ്ടനില്‍ ഷോപ്പിംഗ് നടത്തുന്നതിനെ കുറിച്ച് ഭര്‍ത്താവുമായി ഫോണ്‍ സംഭാഷണത്തിലായിരുന്നു.
എന്നാല്‍ ഏത് നടിയാണ് ഇതെന്ന് റാണാ വെളിപ്പെടുത്തിയിട്ടില്ല. നടിയുടെ പെരുമാറ്റം സെറ്റിലുള്ളവരേയും ഷൂട്ടിനേയും അസ്വസ്ഥപ്പെടുത്തുന്നതായിരുന്നു. അപ്പോഴും ദുല്‍ഖര്‍ ശാന്തനായിട്ടിരുന്നു. ദുല്‍ഖറിന്റെ ശാന്തമായ പെരുമാറ്റമായിരുന്നു സെറ്റിലെ പിരിമുറുക്കം ഇല്ലാതാക്കിയതും സമാധാനപരമായ അന്തരീക്ഷം നിലനിര്‍ത്തിയതും.
Read more
ആ സമയത്ത് തനിക്ക് പോലും ദേഷ്യം നിയന്ത്രിക്കാന്‍ കഴിഞ്ഞില്ലെന്ന് റാണ പറയുന്നു. നടിയെ പെരുമാറ്റത്തെ കുറിച്ച് താന്‍ നിര്‍മാതാവിനോട് സംസാരിച്ചതായും റാണ വെളിപ്പെടുത്തി. അതേസമയം, തനിക്കറിയാവുന്ന ഏക പാന്‍ ഇന്ത്യന്‍ താരം ദുല്‍ഖര്‍ സല്‍മാന്‍ ആണ് എന്നായിരുന്നു നാനി പറഞ്ഞത്.
