കമല്‍ഹാസന്‍, ഫഹദ് ഫാസില്‍, വിജയ് സേതുപതി എന്നിവരെ കേന്ദ്രകഥാപാത്രമാക്കി ലോകേഷ് കനകരാജ് സംവിധാനം ചെയ്യുന്ന ‘വിക്രം’ ചിത്രത്തില്‍ ചെമ്പന്‍ വിനോദും ഒരു പ്രധാന കഥാപാത്രമായി എത്തുന്നുണ്ട്. ചിത്രത്തില്‍ വില്ലന്‍ വേഷത്തിലാണ് താരം വേഷമിടുന്നത്.
വിക്രമിലെ വില്ലന്‍ വേഷത്തെ കുറിച്ചുള്ള ചോദ്യത്തിന് മറുപടി നല്‍കിയിരിക്കുകയാണ് ചെമ്പന്‍ വിനോദ് ഇപ്പോള്‍. ”അതൊരു വില്ലന്‍ വേഷമാണ്. അത്രയേ എനിക്ക് പറയാന്‍ അനുവാദമുള്ളൂ” എന്നാണ് ചെമ്പന്‍ വിനോദ് പറയുന്നത്. ”തല്ലു കൊള്ളുന്ന വില്ലന്‍ വേഷമാണോ?” എന്ന ചോദ്യത്തിന് രസകരമായാണ് താരം മറുപടി നല്‍കിയത്.
”ഏയ് അങ്ങനെ തല്ലു കൊള്ളുന്ന വില്ലന്‍ വേഷത്തില്‍ ഒന്നും നമ്മള്‍ പോയി തല വെയ്ക്കില്ല. ഇത്രനാള് കാത്തിരുന്നു കിട്ടിയതല്ലേ, ഇവിടെ നിന്ന് അവിടെ വരെ പോയി, വെറുതെ അടി കൊണ്ടൊന്നും വരില്ല. എന്തേലും ഒരു സിഗ്‌നേച്ചര്‍ അവിടെ കൊടുത്തിട്ടേ വരൂ.”
”അടിയില്ല, എന്നെ എന്തോ വെടിവെച്ചാണ് കൊല്ലുന്നത്” എന്നാണ് ചെമ്പന്റെ മറുപടി. കമല്‍ഹാസന്റെ 232-ാം ചിത്രമാണ് വിക്രം. മാസ്റ്ററിന് ശേഷം ലോകേഷ് സംവിധാനം ചെയ്യുന്ന അഞ്ചാമത്തെ സിനിമയാണിത്. ആക്ഷന്‍ ത്രില്ലര്‍ ആയി ഒരുങ്ങുന്ന ചിത്രത്തില്‍ നടന്‍ നരെയ്‌നും ഒരു പ്രധാന വേഷത്തിലെത്തും.