തെലുങ്ക് നടന്‍ നന്ദമൂരി ബാലകൃഷ്ണ പൊതുവേദിയില്‍ വെച്ച് സൂപ്പര്‍ സ്റ്റാര്‍ എഎന്‍ആറിനെ തരംതാഴ്ത്തി സംസാരിച്ചത് വലിയ വിവാദങ്ങള്‍ക്ക് വഴിതെളിച്ചിരുന്നു. ഇപ്പോഴിതാ ബാലകൃഷ്ണയ്ക്ക് സംഭവിച്ചത് പോലെ ഒരു അബദ്ധം ചിരഞ്ജീവിയ്ക്കും പറ്റിയിരിക്കുകയാണ്. തന്റെ പുതിയ ചിത്രം വാള്‍ട്ടയര്‍ വീരയ്യയുടെ സെറ്റില്‍ വെച്ച് തെലുങ്ക് സ്റ്റാര്‍ രവി തേജയെ നടന്‍ അപമാനിച്ചുവെന്നാണ് വിവാദം.
രവി തേജയോ ഒരു ചെറിയ സൂപ്പര്‍സ്റ്റാര്‍ എന്നായിരുന്നു നടന്റെ പ്രതികരണം. ഇപ്പോഴിതാ സോഷ്യല്‍മീഡിയയില്‍ ചിരഞ്ജീവിക്കെതിരെ രംഗത്ത് വന്നിരിക്കുകയാണ രവി തേജയുടെ ആരാധകര്‍. ബാലയ്യയുടെ ആരാധകര്‍ ന്യായീകരിച്ചത് പോലെ ഇത് വെറും നാക്കുപിഴയായി കണക്കാക്കാന്‍ കഴിയില്ലെന്നാണ് അവരുടെ പക്ഷം.
എന്തായാലും ഇതുവരെ ചിരഞ്ജീവി വിവാദങ്ങളോട് പ്രതികരിച്ചിട്ടില്ല. ചിരഞ്ജീവിയുമായി താരതമ്യപ്പെടുത്തുമ്പോള്‍ തീര്‍ച്ചയായും രവി തേജ ചെറിയ ഹീറോ തന്നെയാണ്. എന്നാല്‍ ഇത് പൊതുവേദിയില്‍ വിളിച്ച് പറയാതിരിക്കാനുള്ള ഔചിത്യം നടന്‍ കാണിക്കണമായിരുന്നുവെന്ന് ആരാധകര്‍ പറയുന്നു.
