സ്വപ്നതുല്യം; കാർത്തിക് സുബ്ബരാജിനെ ഞെട്ടിച്ച് ക്ലിന്റ് ഈസ്റ്റ‍‍്‌വുഡ്

By
എന്‍റര്‍ടൈന്‍മെന്‍റ് ഡെസ്ക്
|

ആദ്യ ചിത്രമായ ‘പിസ്സ’ എന്ന ഹൊറർ ത്രില്ലർ സിനിമയിലൂടെ തെന്നിന്ത്യൻ സിനിമ ലോകത്ത് തന്റേതായ സ്ഥാനമുണ്ടാക്കിയെടുത്ത സംവിധായകനാണ് കാർത്തിക് സുബ്ബരാജ്.
ആദ്യ ഭാഗമായ ‘ജിഗർതാണ്ട’ കാർത്തിക് സുബ്ബരാജിന്റെ കരിയറിലെ തന്നെ മികച്ച ചിത്രങ്ങളിൽ ഒന്നാണ്. ബോബി സിംഹയും സിദ്ധാർത്ഥുമായിരുന്നു ചിത്രത്തിൽ പ്രാധാന കഥാപാത്രങ്ങൾ. അസാൾട്ട് സേതുവിലൂടെ ബോബി സിംഹയും മികച്ച പ്രകടനമാണ് ചിത്രത്തിൽ കാഴ്ചവെച്ചത്.

ഒൻപത് വർഷങ്ങൾക്ക് ശേഷം ‘ജിഗർതാണ്ട ഡബിൾ എക്സ്’ എന്ന ചിത്രവുമായി കാർത്തിക് സുബ്ബരാജ് വീണ്ടുമെത്തിയപ്പോൾ എല്ലാ കേന്ദ്രങ്ങളിൽ നിന്നും മികച്ച പ്രശംസകളാണ് ചിത്രത്തിന് ലഭിച്ചത്. രാഘവ ലോറൻസും എസ്. ജെ സൂര്യയുമാണ് ചിത്രത്തിലെ പ്രധാന താരങ്ങൾ. സിനിമയ്ക്കുള്ളിലെ സിനിമാക്കഥ പറയുന്ന ചിത്രത്തിന് ചലച്ചിത്ര മേഖലയിൽ നിന്നും മികച്ച പ്രശംസകളാണ് കിട്ടിയത്.

ഇപ്പോഴിതാ സിനിമപ്രേമികളെ ഒന്നടങ്കം ഞെട്ടിച്ചുകൊണ്ട് പ്രശസ്ത ഹോളിവുഡ് നടനും സംവിധായകനുമായ ക്ലിന്റ് ഈസ്റ്റ‍‍്‌വുഡ് ചിത്രത്തെ കുറിച്ച് സംസാരിച്ചിരിക്കുകയാണ്. വൈകാതെ താൻ ജിഗർതാണ്ട ഡബിൾ എക്സ് കാണുമെന്നാണ് ക്ലിന്റ് ഈസ്റ്റ‍‍്‌വുഡ് എക്സിലൂടെ അറിയിച്ചത്. ക്ലിന്റ് ഈസ്റ്റ‍‍്‌വുഡിനുള്ള ആദരമായാണ് കാർത്തിക് സുബ്ബരാജ് ചിത്രമൊരുക്കിയിരിക്കുന്നത്.

“സ്വപ്നതുല്യം! ഇതിഹാസതാരം ക്ലിന്റ് ഈസ്റ്റ്‍വുഡ് ജിഗർതാണ്ട ഡബിൾ എക്സിനെക്കുറിച്ച് അറിഞ്ഞിരിക്കുന്നു. വൈകാതെ അദ്ദേഹം സിനിമ കാണും. അദ്ദേഹത്തിന്റെ ഇന്ത്യയിലെ ലക്ഷക്കണക്കിന് ആരാധകരുടെ പേരിൽ ഞാനൊരുക്കിയ ആദരമാണ് ജിഗർതണ്ട ഡബിൾ എക്സ് എന്ന സിനിമ. സിനിമയെക്കുറിച്ച് അദ്ദേഹം എന്താകും പറയുക എന്നറിയാൻ കാത്തിരിക്കുന്നു. ട്വിറ്ററിലെ ജിഗർതാണ്ട ഡബിൾ എക്സ് ആരാധകർക്കു നന്ദി! നിങ്ങളാണ് ഈ സിനിമയെ അദ്ദേഹത്തിലേക്കെത്തിച്ചത്” എന്നാണ് ക്ലിന്റ് ഈസ്റ്റ‍‍്‌വുഡിന്റെ എക്സ് പോസ്റ്റ് പങ്കുവെച്ചുകൊണ്ട് കാർത്തിക് സുബ്ബരാജ് പറഞ്ഞത്.

പുതിയ സിനിമയായ ‘ജൂറർ 2’ വിന്റെ ചിത്രീകരണത്തിന് ശേഷം ജിഗർതാണ്ട ഡബിൾ എക്സ് കാണുമെന്നാണ് ഔദ്യോഗികമായി ക്ലിന്റ് ഈസ്റ്റ‍‍്‌വുഡ് അറിയിച്ചത്.

എന്തായാലും ചിത്രത്തിന്റെ അണിയറപ്രവർത്തകരും സിനിമ പ്രേമികളും ഒന്നടങ്കം ആവേശത്തിലാണ്. സിനിമ കണ്ടതിന് ശേശാമ ക്ലിന്റ് ഈസ്റ്റ‍‍്‌വുഡ് എന്തുപറയുമെന്നാണ് ആരാധകർ ഇനി ഉറ്റുനോക്കുന്നത്. തിയേറ്ററിൽ മികച്ച വിജയം നേടിയ ജിഗർതാണ്ട ഡബിൾ എക്സ് നെറ്റ്ഫ്ലികസിലൂടെയാണ് ഓൺലൈൻ സ്ട്രീമിംഗ് ആരംഭിച്ചിരിക്കുന്നത്.

Read more

അന്താരാഷ്ട്ര ക്രിക്കറ്റില്‍ ഇനി സഞ്ജുവിന്‍റെ സമയം, വൈകാതെ നായകസ്ഥാനത്തേക്ക്!

ജിലേബി ഇഷ്ടമായോ എന്ന് സംശയമുണ്ട്..; സുരേഷ് ഗോപിയുടെ പുതിയ ഓഫീസിലെത്തി പ്രാചി തെഹ്‌ലാന്‍

'പെരുന്നാള്‍' വരുന്നു, നായകന്‍ വിനായകന്‍; ടോം ഇമ്മട്ടി ചിത്രത്തില്‍ പുതുമുഖങ്ങള്‍ക്കും അവസരം

ബയോപ്‌സി എടുത്തപ്പോള്‍ തകര്‍ന്നുപോയി, കാന്‍സര്‍ മൂന്നാംഘട്ടത്തില്‍..: ശിവാനി ഭായ്

എന്റെ ചോര തന്നെയാണ് മേഘ്‌ന, മകന്‍ ജനിക്കുന്നതിന് മുമ്പ് അവര്‍ക്കുണ്ടായ മകളാണ് ഞാന്‍: നസ്രിയ

മലയാളത്തിൽ നിന്നും നിമിഷ സജയനും ഷൈൻ ടോം ചാക്കോയും ചിത്രത്തിൽ പ്രധാന വേഷത്തിൽ അഭിനയിച്ചിട്ടുണ്ട്. ഫൈവ് സ്റ്റാര്‍ ക്രിയേഷന്‍സ്ന്റെയും സ്റ്റോണ്‍ ബെഞ്ച് ഫിലിംസ്ന്റെയും ബാനറില്‍ കാര്‍ത്തികേയന്‍ സന്താനവും കതിരേശനും ചേര്‍ന്നാണ് ചിത്രം നിർമ്മിച്ചിരിക്കുന്നത്.