താന്‍ ഇപ്പോള്‍ ഒരു പീരിയഡ് സ്റ്റാര്‍ ആയി മാറിയെന്ന് ദുല്‍ഖര്‍ സല്‍മാന്‍. സ്ഥിരമായി പീരിയഡ് സിനിമകളാണ് താന്‍ ചെയ്തു കൊണ്ടിരിക്കുന്നത്. അതുകൊണ്ട് താന്‍ ഇപ്പോള്‍ പീരിയഡ് സ്റ്റാര്‍ അല്ലെങ്കില്‍ റെട്രോ സ്റ്റാര്‍ ആയി മാറി എന്നാണ് ദുല്‍ഖര്‍ പറയുന്നത്. ‘ലക്കി ഭാസ്‌കര്‍’ എന്ന പുതിയ സിനിമയുടെ പ്രമോഷനുമായി ബന്ധപ്പെട്ട് നല്‍കിയ അഭിമുഖത്തിലാണ് നടന്‍ പ്രതികരിച്ചത്.
”പ്രൊമോഷന്റെ സമയത്ത് മാത്രമാണ് ഞാന്‍ ഇപ്പോള്‍ മോഡേണ്‍ വസ്ത്രങ്ങള്‍ ധരിക്കുന്നത്. ഇപ്പോള്‍ ഞാന്‍ സ്ഥിരം പീരിയഡ് സിനിമകളാണ് ചെയ്യുന്നത്. ലക്കി ഭാസ്‌കറിന് ശേഷമുള്ള കാന്ത എന്ന സിനിമയും ഒരു പീരിയഡ് സിനിമയാണ്. കാന്തക്ക് ശേഷം ഞാന്‍ ഒരു ബ്രേക്ക് എടുക്കും. ഞാന്‍ ഒരു പീരിയഡ് സ്റ്റാര്‍ അല്ലെങ്കില്‍ റെട്രോ സ്റ്റാര്‍ ആയി മാറിക്കൊണ്ടിരിക്കുകയാണ്” എന്നാണ് ദുല്‍ഖര്‍ പറഞ്ഞത്.
ലക്കി ഭാസ്‌കറിന് മുമ്പ് ചെയ്ത ചിത്രത്തെ കുറിച്ചും ദുല്‍ഖര്‍ സംസാരിക്കുന്നുണ്ട്. ലക്കി ഭാസ്‌കറിന് മുമ്പ് ചെയ് ധനുഷ് ചിത്രം ‘വാത്തി’യില്‍ 1999-2000 കാലത്തായിരുന്നു കഥ നടന്നത്. ലക്കി ഭാസ്‌കര്‍ അതിലും പത്ത് വര്‍ഷം പിന്നോട്ടാണ് പോകുന്നത്” എന്നാണ് ദുല്‍ഖര്‍ പറയുന്നത്.
അതേസമയം, ദുല്‍ഖര്‍ ആദ്യമായി ചെയ്ത തെലുങ്ക് ചിത്രം മഹാനടി അറുപതികളിലായിരുന്നു സെറ്റ് ചെയ്തത്. ലക്കി ഭാസ്‌കറില്‍ മഗധ ബാങ്കില്‍ ജോലി ചെയ്യുന്ന ഒരു കാഷ്യറായാണ് ദുല്‍ഖര്‍ എത്തുന്നത്. 90കളിലെ ബോംബെയിലെ സാമ്പത്തിക പ്രതിസന്ധിയുടെ സമയത്ത് ഒരു കാഷ്യര്‍ കടന്നുപോവുന്ന പ്രതിസന്ധികളാണ് സിനിമയുടെ പ്രമേയം.
