പലപ്പോഴും തന്റെ നിലപാടുകളും അഭിപ്രായങ്ങളും സോഷ്യൽ മീഡിയയിലൂടെ തുറന്നുപറയാറുള്ള താരമാണ് നടി കസ്തൂരി. ഇപ്പോഴിതാ താൻ വലിയ വില കൊടുത്ത് വാങ്ങിയ ഒരു ചെരുപ്പ് ഉപയോഗിച്ച് ഒരു മാസത്തിനുള്ളിൽ പൊട്ടിപോയെന്ന് വെളിപ്പെടുത്തി രംഗത്തെത്തിയിരിക്കുകയാണ് കസ്തൂരി.
ചെരിപ്പുകൾ അധികം വില നൽകി താൻ വാങ്ങാറില്ലെന്നും, ആയിരം രൂപയ്ക്ക് താഴെ വിലയുള്ളതാണ് സാധാരണ ഉപയോഗിക്കാറുള്ളതെന്നും എന്നാൽ ചില ആഡംബര ചെരിപ്പുകൾ തന്റെ കളക്ഷനിൽ ഉണ്ടെന്നും കസ്തൂരി പറയുന്നു.
“ഫ്ളിപ് ഫ്ളോപ് എന്ന ബ്രാൻഡിന്റെ ചെരിപ്പ് രണ്ട് മാസം മുൻപാണ് താരം വാങ്ങുന്നത്. എന്നാൽ ഒരു മാസം കഴിഞ്ഞപ്പോൾ തന്നെ ചെരിപ്പ് വിട്ടു പോകാൻ തുടങ്ങി. രണ്ട് കാലിലേയും ചെരുപ്പുകളുടേയും മുൻ ഭാഗം പൊളിഞ്ഞ നിലയിലാണ്. കൂടാതെ സ്ട്രാപ്പും വിട്ടു പോന്നു.” എന്നാണ് ഇൻസ്റ്റഗ്രാമിൽ പങ്കുവെച്ച വീഡിയോയിൽ താരം പറയുന്നത്.
നിരവധി ആളുകളാണ് വീഡിയോയിൽ കമന്റുമായി എത്തുന്നത്. ഇത്തരം ചതിക്കുഴികളിൽ ചെന്ന് ചാടരുതെന്നും ഇത് തട്ടിപ്പാണെന്നും ആളുകൾ പറയുന്നു. ഇത് ആ ബ്രാന്റിന്റെ ഡ്യൂപ്ലിക്കേറ്റ് ആണെന്നാണ് ചിലർ പറയുന്നത്. ഇത്രയും വിലയുള്ള ചെരിപ്പ് ധരിക്കാറുണ്ടെന്ന് കാണിക്കാനുള്ള പബ്ലിസിറ്റിയാണിതെന്നും ചിലർ പറയുന്നു. എന്നാൽ ഇതുമായി ബന്ധപ്പെട്ട് വിശദീകരണത്തിനോ പ്രതികരണത്തിനോ ഫ്ലിപ് ഫ്ലോപ്പ് എന്ന ബ്രാൻഡ് തയ്യാറായിട്ടില്ല.