സയനോര ഫിലിപ് കഴിഞ്ഞ ദിവസം പങ്കുവെച്ച വീഡിയോക്ക് താഴെ വിദ്വേഷ കമന്റുകളുമായി സൈബര്‍ സദാചാരവാദികള്‍. ഗേള്‍സ് നൈറ്റില്‍ സുഹൃത്തുക്കള്‍ക്കൊപ്പം ഡാന്‍സ് കളിക്കുന്ന വീഡിയോയാണ് താരം പങ്കുവെച്ചത്. വീഡിയോയില്‍ ഭാവന, രമ്യ നമ്പീശന്‍ എന്നിവരുമുണ്ട്. ഈ പോസ്റ്റിന് താഴെയാണ് വിദ്വേഷ കമന്റുകള്‍ വന്നുകൊണ്ടിരിക്കുന്നത്.
സ്്ത്രീ വിരുദ്ധമായ കമന്റുകളാണ് ഇത്തരക്കാര്‍ പോസ്റ്റ് ചെയ്യുന്നത്. കൂടുതലും സയനോരക്ക് എതിരായുള്ള കമന്റുകളാണ്. വീഡിയോയിലുള്ള വ്യക്തികളുടെ വസ്ത്രധാരണം, ശരീരം എന്നിവയെ കുറിച്ചാണ് മിക്ക കമന്റുകളും. വെര്‍ബല്‍ അബ്യൂസുകളും നിരവധിയുണ്ട്.
വീഡിയോയില്‍ ഡാന്‍സ് കളിക്കുന്ന ഭാവന, രമ്യ നമ്പീശന്‍, ശില്‍പ ബാല എന്നിവരെ കുറിച്ചും മോശം രീതിയില്‍ പരാമര്‍ശിച്ചിട്ടുണ്ട്. സയനോര ഫേസ്ബുക്കിലും ഇന്‍സ്റ്റഗ്രാമിലും വീഡിയോ പങ്കുവെച്ചിരുന്നു.