ഇക്കഴിഞ്ഞ ദിവസമാണ് സെലിബ്രിറ്റി കപ്പിളായ മാളവികയ്ക്കും തേജസിനും കുഞ്ഞ് പിറന്നത്. മാളവിക പ്രസവിച്ച വിവരം കുഞ്ഞിൻ്റെ കൈ ചേർത്ത് പിടിച്ചുള്ള ചിത്രം ഇൻസ്റ്റഗ്രാമിൽ പങ്കിട്ടാണ് തേജസ് ആരാധകരെയും പ്രേക്ഷകരെയും അറിയിച്ചത്. എന്നാൽ ജനിച്ചത് ആൺകുട്ടിയാണോ പെൺകുട്ടിയാണോ എന്നൊന്നും ഇവർ വെളിപ്പെടുത്തിയിരുന്നില്ല. ഇതോടെ ചില വിമർശനങ്ങളും വന്നിരുന്നു.
ഇപ്പോഴിതാ എല്ലാവരുടെയും ചോദ്യങ്ങൾക്ക് മറുപടി പറയുകയാണ് മാളവികയും ഭർത്താവ് തേജസും. യൂട്യൂബ് ചാനലിലൂടെ പങ്കുവെച്ച് പുതിയ വീഡിയോയിൽ കുഞ്ഞിന്റെ വരവിനെ കുറിച്ചും ആശുപത്രിയിൽ നടന്ന സംഭവങ്ങളെ കുറിച്ചുമൊക്കെ പറയുകയാണ് താരങ്ങൾ. തങ്ങൾക്ക് ജനിച്ചത് മകളാണെന്ന് വെളിപ്പെടുത്തിയിരിക്കുകയാണ് താരങ്ങൾ.
ആശുപത്രിയിലേക്ക് ഇറങ്ങുന്നതിന് മുൻപുള്ള വീഡിയോയുമായിട്ടാണ് മാളവിക എത്തിയത്. ഇതൊരു ബ്ലോഗായി ചെയ്യണമെന്ന് ഇല്ലായിരുന്നുവെന്നും പിന്നീട് ആലോചിച്ചപ്പോൾ ഓർമ്മയായി സൂക്ഷിക്കാമല്ലോ എന്ന് വിചാരിച്ചുവെന്നും മാളവിക പറയുന്നു. ക്യാമറ തേജസ് ഏട്ടന് കൊടുത്തിരിക്കുകയാണ്. ഏട്ടൻ എന്തൊക്കെ പകർത്തുന്നുവോ അതൊക്കെ നിങ്ങൾക്ക് വ്ളോഗിലൂടെ കാണാമെന്നും നടി പറയുന്നു.
ആശുപത്രിയിൽ എത്തിയ ആദ്യദിവസം വലിയ കുഴപ്പമില്ലായിരുന്നു. പിവി ചെയ്യുകയും മറ്റുമൊക്കെ ചെയ്‌തതിൻ്റെ വേദനയും അസ്വസ്ഥതയുണ്ടെങ്കിലും ഈ നിമിഷം ആസ്വദിക്കാൻ താൻ ശ്രമിക്കുകയാണെന്നാണ് മാളവിക പറയുന്നത്. എന്നാൽ അർദ്ധരാത്രി ആയതോടുകൂടി നോർമൽ ഡെലിവറിക്കുള്ള പൊസിഷനിൽ നിന്നും കുഞ്ഞ് നേരെ ഓപ്പോസിറ്റ് ആയി തിരിഞ്ഞു. ഇതോടെ സിസേറിയൻ ചെയ്യാമെന്ന് തീരുമാനത്തിലേക്ക് എത്തുകയായിരുന്നു.
പ്രസവത്തിനുള്ള പെയിൻ ഒക്കെ അനുഭവിച്ചതിനുശേഷമാണ് തനിക്ക് സിസേറിയൻ വേണമെന്ന് പറയുന്നത്. അങ്ങനെ പിറ്റേന്ന് രാവിലെയായിരിക്കും കുഞ്ഞ് വരികയെന്നും താരങ്ങൾ പറഞ്ഞു. എങ്ങനെയായാലും കുഞ്ഞ് ആരോഗ്യത്തോടെ ഉണ്ടാവണമെന്ന് മാത്രമേ തനിക്കുള്ളുവെന്നാണ് മാളവിക പറയുന്നത്. ഒടുവിൽ ഉച്ചയ്ക്ക് 12 മണിക്ക് താൻ ഒരു പെൺകുഞ്ഞിന് ജന്മം നൽകിയെന്നും മൂന്ന് കിലോയ്ക്ക് മുകളിൽ ഭാരവും ആരോഗ്യവുമുള്ള കുഞ്ഞാണ് ജനിച്ചതെന്നും മാളവിക പറഞ്ഞു.
കുഞ്ഞിനെ ആദ്യമായി അച്ഛൻ കയ്യിലെടുത്ത് നിമിഷവും കുഞ്ഞിന്റെ മുഖവുമൊക്കെ വീഡിയോയിൽ കാണിച്ചിരുന്നു. ശേഷം ഡിസ്‌ചാർജായി വീട്ടിലേക്ക് പോകുന്നതോട് കൂടിയാണ് വീഡിയോ അവസാനിക്കുന്നത്. മാളവികയുടെ ഗർഭകാല വിശേഷങ്ങളൊക്കെ സോഷ്യൽ മീഡിയയിലൂടെ വൈറലായിരുന്നു. റിയാലിറ്റി ഷോയിലൂടെ ശ്രദ്ധേയയായ നടി കഴിഞ്ഞ വർഷമാണ് വിവാഹിതയാകുന്നത്. ഒന്നാം വിവാഹ വാർഷികത്തിന് പിന്നാലെ തങ്ങളുടെ ജീവിതത്തിലേക്ക് പുതിയൊരു അതിഥി കൂടി വരികയാണെന്ന് താരങ്ങൾ വെളിപ്പെടുത്തിയിരുന്നു.