ആദ്യത്തെ കൺമണിക്കായുള്ള കാത്തിരിപ്പിലാണ് ദീപികയും രൺവീറും. ഇക്കഴിഞ്ഞ ഫെബ്രുവരിയിൽ തങ്ങൾക്ക് കുഞ്ഞ് പിറക്കാൻ പോകുന്നുവെന്ന വിവരം ഇരുതാരങ്ങളും വെളിപ്പെടുത്തിയിരുന്നു. എന്നാൽ ദീപിക ഗർഭിണിയല്ലെന്നും കുഞ്ഞ് ജനിക്കാൻ പോകുന്നത് സറോഗസിയിലൂടെയാണെന്നും ഒക്കെയുള്ള പ്രചാരണങ്ങൾ ഉണ്ടായിരുന്നു.
ലോക്‌സഭാ തിരഞ്ഞെടുപ്പിന്റെ അഞ്ചാം ഘട്ടത്തിൽ ദീപിക പദുക്കോണും രൺവീർ സിംഗും വോട്ട് ചെയ്യാനെത്തിയ വീഡിയോ ശ്രദ്ധ നേടിയിരുന്നു. ഇപ്പോഴിതാ ദീപികയുടെ ഒരു പുതിയ വീഡിയോ ആണ് വൈറലാകുന്നത്. മഞ്ഞ നിറത്തിലുള്ള മെറ്റേണിറ്റി ചിക് മിഡി വസ്ത്രത്തിലാണ് താരം പ്രത്യക്ഷപ്പെട്ടിരിക്കുന്നത്.
‘സുന്ദരിയായി തുടരുക. വളരെ ശ്രദ്ധിക്കൂ’, ‘ഉടൻ ഏറ്റവും സുന്ദരിയായ അമ്മ ആകും’, ‘സൂര്യപ്രകാശം’, ‘എൻ്റെ രാജ്ഞി, ഗർഭം അവളെ കൂടുതൽ സുന്ദരിയാക്കി’ എന്നൊക്കെയുള്ള കമന്റുകളാണ് വീഡിയോയ്ക്ക് താഴെ വരുന്നത്.
ഈ വർഷം സെപ്റ്റംബറിൽ കുഞ്ഞ് എത്തുമെന്ന് ഇരുവരും സോഷ്യൽ മീഡിയയിലൂടെ ആരാധകരെ അറിയിച്ചിരുന്നു. സഞ്ജയ് ലീല ബൻസാലിയുടെ ഗോലിയോൻ കി രാസ് ലീല രാം ലീലയുടെ സെറ്റിൽ വെച്ചാണ് ഇരുവരും പ്രണയത്തിലാകുന്നത്. 2018 നവംബർ 14ന് ഇറ്റലിയിലെ ലേക്ക് കോമോയിൽ വച്ചായിരുന്നു ദീപികയുടെയും രൺവീർറിന്റെയും വിവാഹം.
ആറ് വർഷത്തോളം ഇരുവരും ഡേറ്റിംഗിലായിരുന്നു. ഫൈൻഡിംഗ് ഫാനി, പദ്മാവത്, ബാജിറാവു മസ്താനി തുടങ്ങിയ ചിത്രങ്ങളിൽ ഇരുവരും ഒന്നിച്ച് അഭിനയിച്ചിട്ടുണ്ട്. സിങ്കം എഗെയ്ൻ എന്ന ചിത്രമാണ് ഇരുവരുടെതായി ഇനി റിലീസിന് ഒരുങ്ങുന്നത്.