വിനീത് ശ്രീനിവാസനെക്കുറിച്ച് മനസ്സുതുറന്ന് ധ്യാന്‍. വിനീതിനൊപ്പം താമസിച്ച സമയത്തെ രസകരമായ സംഭവവും ധ്യാന്‍ സ്റ്റാര്‍ മാജിക്ക് ഷോയില്‍ പങ്കുവെച്ചു.
ധ്യാനിന്റെ വാക്കുകള്‍
എന്നെ അച്ഛന്‍ വീട്ടില്‍ നിന്ന് അടിച്ചു പുറത്താക്കിയ സമയത്ത് ഏട്ടനാണ് എന്നെ കെയര്‍ ചെയ്തിരുന്നതും പ്രൊട്ടക്ടറ്റ് ചെയ്തിരുന്നതും. മാസം മാസം പൈസ ഒക്കെ തന്നിരുന്നത്. പുറത്തായ ശേഷം ഞാന്‍ ഈ കോള്‍ സെന്ററില്‍ ഒക്കെ ജോലി ചെയ്ത് കഷ്ടപ്പാടിലും ദാരിദ്ര്യത്തിലും മുന്നോട്ട് പോകുമ്പോഴാണ് നീ എന്റെ കൂടെ വന്ന് നിക്കെന്ന് പറഞ്ഞ് ചേട്ടന്‍ വിളിക്കുന്നത്. അന്ന് ചെന്നൈയില്‍ ആണ് താമസം.
ഞങ്ങള്‍ എല്ലാവരും കൂടി വീട്ടില്‍ എന്‌ജോയ് ചെയ്തിരിക്കുന്ന സമയത്ത് ഒരു കോളിങ് ബെല്‍. ആടി വന്ന് ഞാന്‍ വാതില്‍ തുറന്നപ്പോള്‍ ചേട്ടന്‍. പുള്ളി ഞങ്ങളെ കണ്ടു കയറി വന്നപ്പോള്‍ ഞാന്‍ പറഞ്ഞു, നാളെ വാ എന്ന്.
പുള്ളിയുടെ ഫ്‌ലാറ്റ്, പുള്ളി തന്ന കാശ്. എന്നിട്ട് ഞാന്‍ വാതില്‍ അടച്ചു. പുള്ളി അത് തള്ളി തുറന്നു. പിന്നെ എനിക്ക് ഒന്നും ഓര്‍മ്മയില്ല. ഇത്രയും ലോല ഹൃദയനായ ആള്‍ എങ്ങനെ ചീത്തവിളിക്കും എന്ന് അറിഞ്ഞു. പുള്ളിയുടെ മനസ്സില്‍ ഉള്ളതെല്ലാം പുറത്തുവന്നു.
പുള്ളി ഇറങ്ങി പോയി. ഞാന്‍ വിഷമത്തോടെ വെളുപ്പിന് അഞ്ച് മണിവരെ ഇരുന്ന് മുഴുവന്‍ മദ്യവും കുടിച്ച് തീര്‍ത്ത്. റൂമെല്ലാം വൃത്തിയാക്കി അവസാനം സ്റ്റിക്ക് നോട്ട് പോലൊരു സാധനത്തില്‍ ക്ഷമിക്കണം എന്ന് എഴുതി വെച്ച് അവിടെ നിന്നിറങ്ങി. പിന്നെ രണ്ടുമാസം ലോഡ്ജില്‍ ആയിരുന്നു.