തമിഴ് നടന്‍ സിദ്ധാര്‍ത്ഥിന്റെ കമ്മാരസംഭവത്തിലെ വേഷത്തെ പ്രശംസിച്ച് നടന്‍ ദിലീപ്. സിദ്ധാര്‍ത്ഥിന്റെ രംഗ്‌ദേ ബസന്തി, ജിഗര്‍ദണ്ട തുടങ്ങിയ സിനിമകളിലെ വേഷങ്ങളെ നിഷ്പ്രഭമാക്കുന്നതായിരിക്കും വേഷമെന്ന് ദിലീപ് തന്റെ ഫെയ്‌സ്ബുക്ക് പേജില്‍ പോസ്റ്റ് ചെയ്ത കുറിപ്പില്‍ പറഞ്ഞു.
കമ്മാരസംഭവത്തിന്റെ സെക്കന്‍ഡ് ലുക്ക് പോസ്റ്റര്‍ അവതരിപ്പിച്ച് കൊണ്ടാണ് ദിലീപ് സിദ്ധാര്‍ത്ഥിനെക്കുറിച്ച് പറഞ്ഞത്.
ദിലീപ് എഴുതിയത് ഇങ്ങനെ
പ്രിയപ്പെട്ടവരെ, കമ്മാരസംഭവത്തിന്റെ ഫസ്റ്റ് ലുക്കിനു നല്‍കിയ സ്വീകരണത്തിനു വാക്കുകള്‍ക്കതീതമായ നന്ദി,ഒപ്പം ഈ ചിത്രത്തിന്റെ സെക്കന്റ് ലുക്കും നിങ്ങള്‍ക്ക് സമര്‍പ്പിക്കുന്നു.കമ്മാരസംഭവത്തിലെ ഒരു അതിപ്രധാന വേഷം ചെയ്യുന്നത് സിദ്ധാര്‍ത്ഥാണ് ഈ പോസ്റ്ററിലെ താരം ബോയ്‌സില്‍ തുടങ്ങി, രംഗ് ദേബസന്തിയിലും, ജിഗര്‍ത്താണ്ടയിലും സിദ്ധാര്‍ത്ഥിന്റെ വ്യത്യസ്തമുഖങ്ങള്‍ നിങ്ങള്‍ കണ്ടിട്ടുണ്ട്, ഒരുപക്ഷെ അവയെ എല്ലാം നിഷ് പ്രഭമാക്കുന്ന ഒരു വേഷമാണു കമ്മാര സംഭവത്തിലേത് എന്റെ വളരെ നല്ല സുഹൃത്തായ് തീര്‍ന്ന സിദ്ധാര്‍ത്ഥിന്റെ ഈ പോസ്റ്റര്‍ നിങ്ങള്‍ക്ക് സമര്‍പ്പിക്കുന്നു, അധികം വൈകാതെ ഞങ്ങളെ ഒരുമിച്ച് നിങ്ങള്‍ക്ക് വെള്ളിത്തിരയില്‍ കാണാം.എല്ലാവര്‍ക്കും പൊങ്കല്‍ദിന ആശസകളോടെ,സ്വന്തം ദിലീപ്.
Read more
https://www.facebook.com/ActorDileep/posts/1465884230242008
