മലയാള സിനിമാ സീരിയല്‍ രംഗത്ത് ശ്രദ്ധേയനായ താരമാണ് ദിനേശ് പണിക്കര്‍. ഇപ്പോഴിതാ തന്റെ പല സിനിമകളും പരാജയപ്പെട്ടപ്പോള്‍ സുരേഷ് ഗോപിയും കുഞ്ചാക്കോ ബോബനും തനിക്ക് വേണ്ടി ചെയ്ത ഉപകാരത്തെക്കുറിച്ച് തുറന്നുപറഞ്ഞിരിക്കുകയാണ് അദ്ദേഹം.
, തന്റെ അവസ്ഥ കണ്ട് ഇരുവരും സിനിമകളില്‍ ഫ്രീയായി വന്ന് അഭിനയിച്ചിട്ടുണ്ടെന്ന് ദിനേഷ് പണിക്കര്‍ വെളിപ്പെടുത്തി.
തന്റെ യൂട്യൂബ് ചാനലിലൂടെയായിരുന്നു ഇക്കാര്യം അദ്ദേഹം തുറന്നു പറഞ്ഞത്.
‘സുരേഷ് ഗോപി നമ്മളോട് കാണിച്ച് സ്‌നേഹം മറക്കാനാവില്ല, അദ്ദേഹത്തിന്റെ രണ്ടോ മൂന്നോ സിനിമ ചെയ്ത് കഴിഞ്ഞതിന് ശേഷം എന്റെ സ്ഥിതി മോശമായി മാറിയിരുന്നു. അപ്പോഴാണ് ‘തില്ലാന തില്ലാന’ സിനിമ നിര്‍മിക്കുകയും വിതരണം ചെയ്യുകയും ചെയ്തത്.
Read more
ആ സമയത്ത് അദ്ദേഹം ഫ്രീയായിട്ട് വന്ന് സിനമയില്‍ അഭിനയിച്ച് തന്നിട്ടുണ്ട്. അത് അദ്ദേഹത്തിന്റെ മനസ്സ്. അതുപോലെ, മയില്‍പ്പീലികാവ് എന്ന സിനിമ ഞാന്‍ വിചീരിച്ച രീതിയില്‍ ഓടിയില്ല. എനിക്ക് നഷ്ടമാണെന്ന് അറിഞ്ഞിട്ട് ചാക്കോച്ചന്‍ തില്ലാന തില്ലാനയില്‍ രണ്ട് ദിവസം വന്ന് ഫ്രീയായിട്ട് അഭിനയിച്ചിട്ട് പോയി. ഒരു പൈസയും വാങ്ങിച്ചിട്ടില്ല.’- ദിനേശ് പണിക്കര്‍ പറഞ്ഞു.
