പ്രണവ് മോഹന്‍ലാലിന്റെ സിനിമാ തിരഞ്ഞെടുപ്പുകളും ജീവിത രീതിയും തനിക്ക് ഇഷ്ടമാണെന്ന് ദുല്‍ഖര്‍ സല്‍മാന്‍. എന്നാല്‍ പ്രണവിനേക്കാള്‍ തനിക്ക് അടുപ്പം സുചിത്ര മോഹന്‍ലാലുമായാണ്. പ്രണവിന്റെ സിനിമകള്‍ വരുമ്പോള്‍ അത് സോഷ്യല്‍ മീഡിയയില്‍ ഷെയര്‍ ചെയ്യാന്‍ പറഞ്ഞ് സുചി ആന്റി തന്നെ വിളിക്കാറുണ്ട് എന്നാണ് ദുല്‍ഖര്‍ പറയുന്നത്.
പ്രണവിനെ കുട്ടിക്കാലം മുതല്‍ അറിയാം പ്രണവ് എന്നേക്കാള്‍ ഇളയതാണ്. ചെറുപ്പത്തില്‍ ഒന്നിച്ചു കൂടുമ്പോള്‍ പ്രണവിനും ബന്ധുക്കളായ മറ്റ് കുട്ടികള്‍ക്കുമൊപ്പം വീഡിയോ ഗെയിമും മറ്റും കളിച്ചിട്ടിട്ടുണ്ട്. അതിന് ശേഷം ഞാന്‍ കോളേജ് വിദ്യാഭ്യാസത്തിനായി പോയി. പ്രണവും പഠനത്തിന്റെ തിരക്കിലായി.
മുതിര്‍ന്ന ശേഷം ഞങ്ങള്‍ ഒന്നിച്ചിരുന്ന് സംസാരിച്ചിട്ടില്ല. പക്ഷേ, പ്രണവിന്റെ ഒരു നല്ല സിനിമ വരുമ്പോഴോ പുതിയ സിനിമ റിലീസ് ചെയ്യുമ്പോഴോ വലിയ സന്തോഷമാണ്. പ്രണവിന്റെ സിനിമകള്‍ വരുമ്പോള്‍ സുചി ആന്റി എന്നോട് സോഷ്യല്‍ മീഡിയയില്‍ ഷെയര്‍ ചെയ്യാന്‍ പറയും.
ആന്റി സോഷ്യല്‍ മീഡിയയില്‍ ഇല്ല, ഞാന്‍ അത് സന്തോഷത്തോടെ ചെയ്യാമെന്ന് പറയും. മുതിര്‍ന്നവരെ പോലെ ഒരു സംഭാഷണം എനിക്കും പ്രണവിനും ഇടയില്‍ സംഭവിച്ചിട്ടില്ല എന്നത് കൗതുകകരമാണ്. ഞങ്ങളുടെ ജീവിതരീതികള്‍ വളരെ വ്യത്യസ്തമാണ്.
പ്രണവ് എപ്പോഴും യാത്രകളിലും മറ്റുമാണ്. സ്വന്തം ഇഷ്ടത്തിന് അനുസരിച്ചുള്ള പ്രണവിന്റെ ജീവിതം വളരെ ഇഷ്ടമാണ് എന്നാണ് ദുല്‍ഖര്‍ ഗലാട്ട പ്ലസിന് നല്‍കിയ അഭിമുഖത്തില്‍ പറയുന്നത്. അതേസമയം, ലക്കി ഭാസ്‌കര്‍ ആണ് ദുല്‍ഖറിന്റെതായി ഇനി റിലീസിന് ഒരുങ്ങുന്നത്.