‘ഉടല്‍’ എന്ന സിനിമയുടെ ട്രെയ്‌ലര്‍ എത്തിയത് മുതല്‍ ചിത്രത്തിലെ ഇന്റിമേറ്റ് സീനുകള്‍ ചര്‍ച്ചയായിരുന്നു. നടി ദുര്‍ഗ കൃഷ്ണയ്ക്ക് നേരെ വിമര്‍ശനങ്ങളും ഉയര്‍ന്നിരുന്നു. വിമര്‍ശനങ്ങളോട് ശക്തമായ രീതിയില്‍ തന്നെ താരം പ്രതികരിച്ചിരുന്നു. ചിത്രത്തിലെ ഫൈറ്റ് സീനുകളെ കുറിച്ച് ദുര്‍ഗ പറഞ്ഞ വാക്കുകളാണ് ഇപ്പോള്‍ ശ്രദ്ധ നേടുന്നത്.
ഇതിലെ ഫൈറ്റ് സീനുകളൊക്കെ ഡ്യൂപ്പില്ലാതെ ചെയ്യണമെന്ന് താന്‍ നിര്‍ബന്ധം പിടിച്ചു. ധ്യാന്‍ ശ്രീനിവാസന്‍ മുതുകിന് ഇടിക്കുന്ന രംഗത്തില്‍ ശരിക്കും ഇടികിട്ടി. രണ്ടു ദിവസം നെഞ്ചുവേദന ആയിരുന്നു. ഇന്ദ്രന്‍സ് ഏട്ടന്റെ കയ്യില്‍ നിന്നും ഇടി കിട്ടി. ഇതൊന്നും ടൈമിങ് തെറ്റി കിട്ടുന്നതല്ല കേട്ടോ.
ആത്മാര്‍ഥത കൂടിപ്പോയിട്ട് അഭിനയം സത്യമായതാണ്. സ്‌റ്റൈയര്‍കെയ്‌സില്‍ നിന്നു വീണ് താഴെ ചുമരില്‍ തലയിടിക്കുന്ന സീനുണ്ട്. അവസാനം അലമാരയില്‍ തലയിടിക്കുന്ന സീന്‍ അഭിനയിച്ച് കഴിഞ്ഞ് തലയിലൊരു മരവിപ്പു പോലെ തോന്നിയതേ ഓര്‍മയുള്ളൂ. പിന്നെ, ഉണരുന്നത് മണിക്കൂറുകള്‍ക്ക് ശേഷമാണ്.
Read more
ഇതൊന്നും ചര്‍ച്ച ചെയ്യാതെ ബെഡ്‌റൂം സീനിനെ കുറിച്ചു മാത്രം പറയുന്നതില്‍ നിന്നു തന്നെ മലയാളികളുടെ ‘സെക്ഷ്വല്‍ ഫ്രസ്‌ട്രേഷന്‍’ മനസ്സിലാക്കാം. ഗൂഗിളില്‍ ‘ദുര്‍ഗ’ എന്ന് സെര്‍ച് ചെയ്താല്‍ തന്നെ ‘ബെഡ്‌റൂം സീന്‍’ എന്നു സജഷന്‍ വരും. ഈ സിനിമ ഇങ്ങനെ വ്യാഖ്യാനിക്കപ്പെട്ടതില്‍ വലിയ വിഷമമുണ്ട് എന്നും ദുര്‍ഗ ഒരു അഭിമുഖത്തില്‍ പറഞ്ഞു.
