‘റോളക്സ്… അവ പേര് ദില്ലി..’ ലോകേഷ് കനകരാജ് സംവിധാനം ചെയ്ത വിക്രത്തിലെ ഈയൊരു രംഗത്തിന് മാത്രം പ്രത്യേകം ഫാൻ ബേസ് ഉണ്ട്. അൻപ് ദാസ് ദില്ലിയെ പറ്റി റോളക്സിനോട് പറയുന്ന രംഗം അർജുൻ ദാസിന്റെ ഘനഗാംഭീര്യ ശബ്ദത്തോടെ കേൾക്കുന്നത് തന്നെയാണ് അതിന്റെ ഭംഗി.
എന്നാൽ ഇപ്പോഴിതാ തന്റെ ശബ്ദത്തിന്റെ പേരിൽ ചെറുപ്പത്തിൽ താൻ ഒരുപാട് തവണ കളിയാക്കപ്പെട്ടിട്ടുണ്ടെന്നാണ് അർജുൻ ദാസ് പറയുന്നത്. സംസാരിക്കുമ്പോൾ വയസായിട്ടുള്ള ഒരാൾ വന്നിട്ടുണ്ട് എന്നൊക്കെ പറഞ്ഞിട്ട് കളിയാക്കുമായിരുന്നു എന്നാണ് അർജുൻ ദാസ് പറയുന്നത്.
ചെറുപ്പത്തിൽ ഒരുപാട് ആളുകൾ എൻ്റെ വോയ്‌സിന്റെ പേരിൽ കളിയാക്കിയിട്ടുണ്ട്. ആ സമയത്ത് വയസായിട്ടുള്ള ഒരാൾ വന്നിട്ടുണ്ട് എന്നൊക്കെ പറഞ്ഞിട്ട് കളിയാക്കുമായിരുന്നു. എന്നാൽ ഇപ്പോഴും പല ആളുകൾക്കും എൻ്റെ ഈ വോയിസ് ഇഷ്‌ടമല്ല. പക്ഷേ എനിക്ക് സന്തോഷമുള്ള കാര്യം എന്തെന്നുവെച്ചാൽ കുറച്ച് പേർക്കെല്ലാം എന്റെ വോയിസ് ഇഷ്ടമാണ്.
ഞാൻ ചെയ്യുന്ന ഓരോ സിനിമയിലൂടെയും സംവിധായകർ പെർഫോമൻസിൻ്റെ കൂടെ എൻ്റെ വോയിസും കൂടെ ഇഷ്‌ടപ്പെടും. അവരെല്ലാം ഇത് രണ്ടും ഇഷ്‌ടപ്പെടുന്നത് വരെ ഞാൻ കഠിനാധ്വാനം ചെയ്യും.” എന്നാണ് മാതൃഭൂമിക്ക് നൽകിയ അഭിമുഖത്തിൽ അർജുൻ ദാസ് പറഞ്ഞത്.