ബേസിൽ ജോസഫ് ചിത്രം മിന്നൽ മുരളിയിലൂടെ മലയാളികളുടെ മനസ്സിൽ കയറി കൂടിയ താരമാണ് ഗുരു സോമസുന്ദരം. വില്ലൻ കഥാപാത്രത്തിലെത്തിയ സോമസുന്ദരത്തിന് ഹിറോകളോട് ദേഷ്യമാണെന്നും, വില്ലൻ കഥാപാത്രങ്ങൾ ചെയ്യുന്നതിനാണ് കൂടുതൽ ഇഷ്ടമെന്നും തുറന്ന് പറഞ്ഞിരിക്കുകയാണിപ്പോൾ. റെഡ് എഫ്. എം മലയാളത്തിന് നൽകിയ അഭിമുഖത്തിലാണ് അദ്ദേഹം തനിക്ക് ഹീറോകളോട് ചെറിയ ദേഷ്യമുണ്ടെന്നും അതുകൊണ്ടാണ് വില്ലനാകാനാണിഷ്ടമെന്നും പറഞ്ഞത്.
‘തനിക്ക് ഹീറോകളോട് ചെറിയ ദേഷ്യമുണ്ട്, അതുകൊണ്ട് തന്നെ തനിക്ക് വില്ലനാവാനാണ് ഇഷ്ടം. ഞാൻ ഹീറോ ആയിട്ടും അഭിനയിച്ചിട്ടുണ്ട്. ഒരുപാട് സിനിമകളിൽ ഹീറോ ആവുന്നവർ ഒന്നും ചെയ്യാതിരിക്കുന്നത് കണ്ടിട്ടുണ്ട്. ചില പിരീയഡിൽ അവർക്ക് സൊസൈറ്റിയെ കുറിച്ച് ഒരു ചിന്തയുമില്ലാത്ത പോലെ തോന്നും.
താൻ കണ്ട പല സിനിമകളിലെയും വില്ലൻ കഥാപാത്രം കാണുമ്പോൾ എനിക്ക് ഒരു അടുപ്പം തോന്നും. ബേസിൽ വന്ന് മിന്നൽ മുരളി സിനിമയുടെ കഥ പറഞ്ഞപ്പോൾ തനിക്ക് സന്തോഷമായെന്നും. എന്നോട് പറഞ്ഞു നിങ്ങളാണ് ഈ സിനിമയിലെ സൂപ്പർ വില്ലനെന്ന്. ഈ സിനിമയുടെ കഥ കേട്ടതും താൻ ഓക്കേ പറഞ്ഞു. ഞാൻ വേറൊരു സിനിമയും കമ്മിറ്റ് ചെയ്യാതെ രണ്ടുവർഷം ഇതിന് വേണ്ടി തയ്യാറെടുത്തു.
വില്ലൻ വേഷങ്ങളിൽ ഒരുപാട് വെറൈറ്റിയുണ്ട്. എല്ലാ വില്ലന്മാരും ഹീറോകളെ കൊല്ലാൻ നടക്കുന്നവരല്ല. അവർ ഹീറോയ്ക്ക് വെല്ലുവിളികൾ ഉണ്ടാക്കുകയാണ് ചെയ്യുന്നത്. അങ്ങനെ ഹീറോക്ക് വെല്ലുവിളികൾ കൊടുക്കുമ്പോഴേ ഹീറോയിസം കാണിക്കാൻ പറ്റുകയുള്ളൂവെന്നും’ ഗുരു സോമസുന്ദരം പറഞ്ഞു.